海皇粥店 (樂道) (Under Renovation)

喺尖沙咀突然想食粥同腸粉, 自自然然就會諗起呢間老字號「海皇粥店」! 見佢哋推出咗《低脂營養粥系列》, 紅米藜麥粥底配方, 感覺健康又飽肚, 所以叫咗一款嚟試吓～ 南瓜海鮮肉碎紅米藜麥粥都幾多料, 粥底綿滑, 裏面有八爪魚🐙、蟹柳、肉碎, 口感豐富！跟餐仲會配兩款中式煎糕, 不過當日已經售罄, 所以轉為配蘿蔔糕另外仲叫咗兩款腸粉, 分別係豬膶蛋石磨腸粉、粟米菜脯蛋石磨腸粉。腸粉口感滑溜有彈性, 再配埋一杯豆味香濃嘅凍豆漿, 飽肚感十足！