祥香茶餐廳 (Closed)

常餐（$36)黎到西環三寶之一既 #祥香 緊係要試下佢地個常餐，叫左豬扒通粉、火腿煎蛋配牛油餐包，成個環境格局都好懷舊，係好地道既真•香港人茶餐廳，不過味道就普普通通，真係普通茶餐廳嘅味道。蛋撻（$4)而下午茶梗係要食埋港式西餅先得！黎到依度就一定要叫埋佢哋個招牌蛋撻，曲奇皮蛋撻新鮮出爐，餅皮酥脆，蛋漿香甜滑嘟嘟，好好食👍🏻 跟常餐加$4可以轉紅豆冰，味道唔錯，呢個價錢亦好抵飲！整體係一間老字號嘅懷舊茶餐廳，新鮮出爐嘅麵包同蛋撻就值得一試。