人和荳品廠 (Moved) New Location

人和荳品廠成日都聽，今日我地行街行到好夜，過左正常食晚飯時間，大家又唔想食太多野，所以去咗呢間人和荳品廠食野。我地叫左一個滷水豆腐（$16）、柴魚花生粥（$20）、鼓油皇炒麵（$16）、魚肉煎豆腐 （$16）同埋一個芝麻糊豆漿$12。所有野食都係清清地，冇話咩好令人讚歎嘅反應。個粥煲得好綿好滑，D魚肉煎豆腐一定要加辣醬食先正。整體都唔錯，清清地唔會好多人，又填飽到肚。環境方面，有D 逼，因為鋪頭有好多人，入左夜都仲係有好多人係度食野，有少少嘈，不過呢D 就係香港老字嘅餐廳嘅特色。有機會大家可以試試，雖然食物選擇唔多，但做精一樣就可以做得更加好，價錢唔貴，食物亦不錯。