郭仔記車仔麵

Open Now

Now Closed

元朗不嬲係美食天堂， 見巴士總站附近新開咗一間郭記車仔麵， 而且是來自大埔的老字號， 當然要試一試啦。郭仔記新張優惠， 好幾款招牌麵食都是三十多元連飲品， 感覺幾抵食。招牌麵($39 連飲品) 配料有牛腩、蘿蔔和魚蛋， 配腩汁和河粉。 牛腩用特製醬料炮製， 醃得十分入味。 牛腩肉質軟腍，充滿柱侯醬味， 十分惹味。 蘿蔔大大塊， 十分清甜爽口。 魚蛋爽口彈牙。 河粉軟硬適中， 配上牛腩汁湯底， 味道一絕。郭仔記仲有秘製酸辣菜可以任加， 酸菜上加上秘製辣椒油。 配上麵食十分開胃惹味。