Video
Read full review
2015-03-18
4038 views
「太平館」– 細細個已經聽既老字號，次次行過見到餐牌咁貴，但係係食乾炒牛河，就一路都無特登去試。直至今年聖誕gathering，終於有人提議食，我立即舉腳贊成，因為另一個無去食過既原因係成日想試個個巨型梳乎厘，但兩、三個人去又食唔哂，所以一定要多D人一齊食至得﹗終於我地就叫乾炒牛河、瑞士汁炒牛河、招牌瑞士雞翼、岑味牛脷，當然唔少得焗巨型梳乎厘喇，不過食到咁上下先order甜品﹗兩個牛河其實都無咩特別，反而我覺得平時茶記叫個D仲夠鑊氣、仲香口﹗ 瑞士雞翼味道甜甜，都算好食，但唔會有WOW既感覺，size亦唔算大隻。岑味牛脷反而幾特別，一來係比個名吸引左先，二來不嬲我都幾鍾意食牛脷。可能因為太想食，所以無影到相哈哈﹗原來「岑味」即係法文Salmi既譯音，以牛油及雞肝煮成的醬汁。味道特別，牛脷炆得腍，又夠厚切，係咁多款菜式入面比較出眾既~最後就到焗巨型梳乎厘，呢個唔影相唔得喇真係﹗大就係大，不過味道真係普通，首先我唔係特別鍾意食空氣，另外我嫌佢焗得唔夠香脆，可以再微焦一D﹗食到中間D位真係唔太鍾意，好似食緊泡泡咁，不過係我本身唔好呢款甜品啫﹗始終係招牌菜，來到點都要一試既﹗另外特別想提既係呢
「太平館」– 細細個已經聽既老字號，次次行過見到餐牌咁貴，但係係食乾炒牛河，就一路都無特登去試。直至今年聖誕gathering，終於有人提議食，我立即舉腳贊成，因為另一個無去食過既原因係成日想試個個巨型梳乎厘，但兩、三個人去又食唔哂，所以一定要多D人一齊食至得﹗
終於我地就叫乾炒牛河、瑞士汁炒牛河、招牌瑞士雞翼、岑味牛脷，當然唔少得焗巨型梳乎厘喇，不過食到咁上下先order甜品﹗
兩個牛河其實都無咩特別，反而我覺得平時茶記叫個D仲夠鑊氣、仲香口﹗
瑞士雞翼味道甜甜，都算好食，但唔會有WOW既感覺，size亦唔算大隻。
岑味牛脷反而幾特別，一來係比個名吸引左先，二來不嬲我都幾鍾意食牛脷。可能因為太想食，所以無影到相哈哈﹗原來「岑味」即係法文Salmi既譯音，以牛油及雞肝煮成的醬汁。味道特別，牛脷炆得腍，又夠厚切，係咁多款菜式入面比較出眾既~最後就到焗巨型梳乎厘，呢個唔影相唔得喇真係﹗大就係大，不過味道真係普通，首先我唔係特別鍾意食空氣，另外我嫌佢焗得唔夠香脆，可以再微焦一D﹗食到中間D位真係唔太鍾意，好似食緊泡泡咁，不過係我本身唔好呢款甜品啫﹗始終係招牌菜，來到點都要一試既﹗
另外特別想提既係呢度既服務態度認真麻麻。記得食甜品之前叫侍應幫我地清枱同換乾淨碟，佢就一副不爽嘴臉，然後換碟個時又大大力咁擺，收野時候又hea hea咁，搞到跌哂D刀刀叉叉落地，都唔知佢唔gur D咩~ 奉勸大家唔好去尖咀分店﹗Post
