丹麥餅店

Open Now

Now Closed

好後悔點解會咁遲先認識呢間麵包店，食完呢間真係翻唔到轉頭，老麥果啲魚柳包真係即刻比下去。宜家物價貴，以前細細個食老麥明明塊魚柳大過麵包，唔知幾時開始包入面嘅沙律醬覆蓋面仲大過塊魚柳，再者好多時候塊包一拎上手就冧晒，酸菜沙律汁又好酸，0誠意同0心機，所以我都冇食好多年了😂適逢今朝早心血來潮，想去吓啲老店當做支持下老人家老闆。其實好耐之前已經略有聽聞過啲住港島嘅朋友話呢間嘅麵包唔錯，但我當然因為佢嘅簡約、殘舊嘅店舖而卻步啦，真係有眼不識泰山～ 最近我去多咗銅鑼灣，幾乎每次經過都見到好多人買，令我對呢間舖頭充滿好奇心，相信佢應該係大家嘅食堂🫢果然冇令我失望🤤鋪頭對包都幾講究，由其係招牌有餡料包🤩（熱狗、漢堡包、魚柳包、豬扒包etc) ，每次都會先用鐵板烘一烘熱塊包，塊包去咁上下溫度就會翻炸石斑魚塊，令佢非常之脆口，加上又大塊，仲熱辣辣添，完全食唔到雪藏味。麵包亦都好鬆軟，脹卜卜，賣相幾好。我嗌左少醬（茄醬同沙律醬），味道啱啱好，醬汁唔會掩蓋佢嘅脆口，又唔會太鹹，交俾我嘅時候仲好細心咁用牛油紙包住，再入紙袋👍🏻鋪頭有好多捧場客，我買嘅過程中都遇到幾個熟客仔。佢哋大多嚟買菠蘿包、熱狗同埋奶茶咖啡