華香雞 (Closed)

「華香雞」呢個名之前都有聽講過，雞好似都係來自自設農場，質量會有一定保證。咁岩來到觀塘，行經成業街呢邊，先至發現原來觀塘店開係呢邊。沒多想，就去試一試。「華香雞」開係觀塘既工廈入面，紅色既招牌相當搶眼，加上牆壁上報章既報導，自然係有內涵。餐廳既地方相當寬敞，主要係設有多張既長枱，最入面有幾張大圓枱，適合多人家庭聚餐。地方寬敞，相信平日中午吸引不少附近既商廈、工廈既打工仔。餐牌設計簡單，選擇非常多，各種烹調方式亦可供客人選擇。最後我地２人叫左３款食物。餐廳係採用非常傳統懷舊既公雞碗碟，懷舊有特色。烏龍茶香雞配煎米粉同係內地食既最大分別係，呢度沒咁油，而且茶香味好濃郁。雞肉食落肉質結實而且好嫩滑，茶香既味道已經滲透入雞肉裡面，絕對值得一試。而煎米粉對我來講係喜出望外的，米粉由大木筒盛載，米粉底煎得好脆，好香口，好似食緊飯焦咁。另外裡面還配有雞蛋、椰菜同紅蘿蔔絲，食落有口感。金銀蛋白菜仔蔬菜類其實有好多選擇同配搭，最後我地揀左金銀蛋白菜仔。清爽的白菜仔，煮既時間剛剛好，再配以蛋類、炸蒜烹調，帶有少少鹹香，感覺應該係少油，健康之選。欖角豆腐煲欖角既濃郁惹味味道自然係呢道菜既精華所在，加上所用既