Video
Read full review
2020-05-09
1819 views
來北角買日用品，回程時路經樂嘉中心，看見這間「富怡粉麵專家」，門面新簇簇，似乎是間新開食店，老公提議試下，我當然無異議。店內面積不大，但裝修簡潔明亮，而且座位好闊落，有卡位，加上衛生情況亦甚理想，俾人一種好乾淨嘅感覺！入座前第一件事就係要量體溫，順帶一提，餐廳每張桌都提供咗消毒搓手液俾人客使用，實在值得一讚。餐牌選擇甚多，除了主打的粉麵外，還有地道潮州泡粥、精美小食、火鍋拼盤、飯餐、炒腸粉等供應，令人眼花撩亂。兩口子都愛吃香口之物，先揀個小食拼盤 ($80) 試下，可於 5 種炸物中自選 3 款，我哋揀咗鮮炸鯪魚球、泰醬炸雲吞同炸韭菜餃。鯪魚球金黃飽滿，入口甘香惹味，配上蜆蚧醬，令味道錦上添花，餘味無窮。炸雲吞金黃酥脆，毫不油膩，內有彈牙蝦肉。炸韭菜餃咬下香氣撲鼻，內裡餡料亦 Juicy 得很，味道調校得恰到好處，勁好吃，絕對是高水準之作。雖然已經食完咁多香口嘢，但仍意猶未盡，決定再來一份鮮炸魚皮 ($15)。魚皮送上來時還附有一小碗蔥花湯，原來是用來蘸點魚皮吃。魚皮分量不多，但炸得透徹酥香，薄薄一片且脆口度十足。主菜點了牛三寶飯 ($58) 同金菇肥牛，三寶有牛腩、牛肚同牛孖筋，
來北角買日用品，回程時路經樂嘉中心，看見這間「富怡粉麵專家」，門面新簇簇，似乎是間新開食店，老公提議試下，我當然無異議。
店內面積不大，但裝修簡潔明亮，而且座位好闊落，有卡位，加上衛生情況亦甚理想，俾人一種好乾淨嘅感覺！
入座前第一件事就係要量體溫，順帶一提，餐廳每張桌都提供咗消毒搓手液俾人客使用，實在值得一讚。
餐牌選擇甚多，除了主打的粉麵外，還有地道潮州泡粥、精美小食、火鍋拼盤、飯餐、炒腸粉等供應，令人眼花撩亂。
兩口子都愛吃香口之物，先揀個小食拼盤 ($80) 試下，可於 5 種炸物中自選 3 款，我哋揀咗鮮炸鯪魚球、泰醬炸雲吞同炸韭菜餃。鯪魚球金黃飽滿，入口甘香惹味，配上蜆蚧醬，令味道錦上添花，餘味無窮。炸雲吞金黃酥脆，毫不油膩，內有彈牙蝦肉。炸韭菜餃咬下香氣撲鼻，內裡餡料亦 Juicy 得很，味道調校得恰到好處，勁好吃，絕對是高水準之作。
雖然已經食完咁多香口嘢，但仍意猶未盡，決定再來一份鮮炸魚皮 ($15)。魚皮送上來時還附有一小碗蔥花湯，原來是用來蘸點魚皮吃。魚皮分量不多，但炸得透徹酥香，薄薄一片且脆口度十足。
主菜點了牛三寶飯 ($58) 同金菇肥牛，三寶有牛腩、牛肚同牛孖筋，牛腩肥瘦均稱，十分靚仔，份量亦多，吃起來不韌又爽口，帶油脂的部份食落更是鮮美。牛肚炆得好稔，而且非常入味。牛孖筋亦有水準，啖啖骨膠原，墊底仲有好多生菜，絕無欺場！
壓尾送上的金菇肥牛 ($88) 很大碟，相當足料，除了爽滑的金菇和香嫩的肥牛外，還有翠綠的生菜，份量挺多，肥牛肉質不俗，入口稔滑富肉香。
粉麵飯套餐奉送紫菜湯或熱飲，如果想轉凍飲亦只須 +$2，十分經濟，下次經過會再嚟試下店舖其他出品。
Post
