新百樂潮州鹵味專門店 (Closed)

今日大年初二中午我們去咗上環濟公廟拜完神之後，去咗「新百樂潮州鹵味專門店」買外賣自取去舅父屋企食！我們買咗鹵水鵝同鹵水拼盤！鹵水鵝嘅肉質非常鬆軟，鵝味好濃郁，而且肥膏唔會太多！鹵水拼盤嘅豬耳相當爽脆彈牙，鵝掌炆得好腍好入味，鹵水醬汁嘅味道調教得恰到好處，唔會過鹹！店內嘅大廚叔叔非常親切有禮，開頭我話要第一隻鹵水鵝，但大廚叔叔話要第二隻啦，呢隻係我啱啱新鮮攞出嚟！真係好老實！