越不同

Open Now

Now Closed

香港越南菜餐廳名好多都有個「越」字，以為呢間Viet Bu Tong響香港好多分店，原來只係得三間分店，仲要都係開響好Chill既旅遊區 - 黃金海岸，赤柱同愉景灣。既然去Chill就先叫杯Cocktail，女侍應話呢杯Blue Cocktails $78係佢favourite，咁我就試下啦，由Rum，Vodka，Blue Curacao，Peach Schnapps，Pineapple Juice加Sprite溝成，飲落覺得有少少藥水味，不過唔難入口...下次有機會我要試有Baileys溝果杯The Predator！越式芝士蛋夾餅 $88 餡料選了香辣肉碎，好大份，好多肉碎，微辣，芝士味都濃。但夾餅切成三份，中間果份只係兩塊蛋皮夾住肉碎同芝士，夾起就跌晒啲肉碎。而蛋餅個底邊有少少透明物體，但放入口又好似可食用，我無考究係乜...因為已經呑左香辣老乾媽豬腩肉湯河粉 $88 正喎！豬腩肉唔係好肥，算係半肥瘦，老乾媽溝埋個湯好好飲，唔會太辣，只係香口。