展興扒王餐廳 (Closed)

這間展興新開幾個月，之前係隔離幾個舖位，所以老闆娘、廚師、伙計照舊。老闆娘依舊咁老友，得閒走過嚟打牙較。伙計方面，一樣咁「吋」，但係比起其他餐廳，講「煲冬瓜」伙計，「視而不見」「十問九唔應」，已經好得多。廚師手工咁上下，落汁依然無手軟，咖哩汁、黑椒汁...好似唔洗錢，碟頭飯變湯飯，喜歡飲汁顧客啱晒。唯一不同是等待時間，比舊時長許多。經常大半個鐘都未嚟，等四十、五十多分鐘都唔奇。試過幾次叫炒粉麵飯，成半粒鐘都未嚟，催完都要多四五個字先至嚟，最慶就係唔熱，可以話係凍冰冰，所以近來都好少再幫襯。