榮興粥麵家

Open Now

Now Closed

男朋友間中會落元朗食野，佢帶我黎呢間食狗仔粉（粉仔）既小店，話好好食。本身都鐘意食狗仔粉，藍妹姑且信下佢啦。☺️—果到地方比較殘舊，不過藍妹覺得通常呢啲鋪頭既野食都唔會差。—男朋友話狗仔粉好食，一定要試下啦。😆細細碗，份量唔算多。我地叫完冇耐，果日已經賣哂，於是我地懷疑我地2碗係最尾既貨仔，所以啲粉都比較短同碎🤔 湯水好傑身，藍妹覺得偏咸。裡面有啲蝦米仔，好香。如果唔食菜甫既，記住叫佢走菜甫喔。🤗—腐乳通菜都算靚既，起碼好鮮既青色，食得好開心。☺️—求其叫左啲大腸，蘿蔔同牛柏葉。我地叫左唔要咖哩汁，要腩汁，但最後都係照上左咖哩汁😨咖哩汁都幾辣下，但好惹味。大腸正，唔會好多肥膏。