圓山台灣料理 (Closed)

多年前去飲茶，印象不錯，最近再去，點心自製，都係幾啱口味，蝦餃、叉燒腸、排骨、鳯爪、春卷都好過大型連鎖酒樓，鳯梨酥，好似自製嘅，熱熱地嘅，好正。星期六一行七人去食晚飯，都好滿意，價錢合理，用料都新鮮，冷盤蛋黃片肉，有特色，咸蛋黃好香，蒜片黃花魚好大條，多肉、少骨，味道調得好，沙茶牛仔排、滷肉、油鹽水海瓜子、屏東小炒都有水準，樟茶鴨、台式蒜香腸、炒A菜、新竹炒米粉都正常無伏。叫咗十樣嘢，每位$220，夠食又好味，值得捧場支持。