祥記飯店 (Closed)

回歸日食完美利堅大失所望後，細妹讚附近祥記的水準更好。又聽老豆從提舊事，原來40多年前，祥記已在灣仔經營，又是一間老字號的館子。雖然是老店，但地方乾凈，坐得舒服。素鵝-料好少，腐皮較多，煙燻味唔突出，美利堅做得較好。雞絲粉皮-粉皮爽滑，雞絲及青瓜絲份量又多，再配以麻醬及芥辣特別醒胃。烤填鴨-色香味俱全，燒得好靚，鴨身光澤又飽滿、皮脆肉嫩，唔會過肥。糖醋里脊-細妹推介，炸得脆口，甜酸味適宜(但老公嫌過酸)。和菜帶帽-粉絲、肉絲、芽菜等小菜再蓋上一塊炒蛋，是一道簡單的菜式，味道好，做得不會過油。大鹵麵-老豆欽點的，因為佢要回味40多年前的大鹵麵，我認為麻麻，麵條過腍。拔絲蘋果-待應哥哥好用心的，將每件蘋果過冷河，所以每件都好脆口，蘋果夠爽、外層糖衣又甜又脆，這個甜品美利堅遠遠追不上。