上海一品香菜館

Open Now

Now Closed

餐廳走嘅路線係平民上海菜味道，喺觀塘已經屹立咗好多年，不奢華不浮誇，樸實，講求真材實料，平民化但深入民心先就可以吸引客人一食再食。幫襯左呢一間上海菜起碼都有三、四次，每次來入座率都有九成滿，好好生意。每次必叫嘅有兩樣：南翔小籠包同埋炸銀絲卷。熱辣辣嘅小籠包，肉餡多汁，鄙皮薄適中，而且十分抵食，$48八粒。炸銀絲卷（$20）：外皮被油炸完十分香脆，內餡冇味道好似饅頭一樣，但係捲起一條條，配上煉奶超級好食！甜甜外脆內軟集合於一身，食完都唔會有罪惡咁。新嘗試：燻魚擔擔麵 （$51）燻魚甜甜脆脆，個人覺得有點甜。而擔擔面缺少花生味，唔夠香，湯底唔夠濃郁。西蘭花鮮魷 （$87）西蘭花煮得過左火候，略為‘淋’。而鮮魷較為軟身，味道不會很鹹。整到菜中規中矩，無驚喜。總括，雖然觀塘老店，但老上海味道我會繼續幫襯。