勝記酒家 (Closed)

灣仔幫襯開酒樓，執左2間了。所以要另尋揾食地了。呢坐嘢有2間酒樓，之前幫襯過，不過太耐了。今日試左其中一間先。上到去，人真的不多，半間酒樓都唔夠。坐低見到set餐具，係吸引嘅，胃口都好D。呢個炸兩好正，真係即整，因為個油炸鬼仲脆嫁。個腸粉亦夠滑，仲好長添，咁到低佢係一條過定係幾條，再切左頭尾變左一頭過呢？仲叫左叉燒包，一間酒樓最基本 一定要試過嘅叉燒包，所以必試。可以喎，唔太甜，個包身唔濕唔乾，適中。整體個叉燒包係令你想再幫襯嘅。另外粉果都係酒樓基本，睇得出師父功夫好，個皮薄得黎，夾唔爛嘅，餡料亦都足。價錢唔太清楚，大約中價，都可接受嘅，想食中菜又唸唔到食乜，可以黎。