Video
Read full review
2019-10-26
1182 views
平時未嚟過呢區，啱啱今日買啲嘢先過嚟。本來打算去搭車返屋企先食飯，咁啱去巴士站途中，經過呢間餐廳，好鬼多人，咁我就同老公講不如食完先返屋企。呢間係街坊餐廳，但見到裏面裝修都幾骨子， 好乾淨。見到餐牌上有個是日精選，裡面有餐湯餐包，主菜同埋餐飲。我同老公分別叫了一個羅宋湯同埋忌廉湯，見到老公嗰個羅宋湯都有好多料，佢話味道酸may may。而我呢個忌廉湯就結結地，鹹鹹地，味道都ok喎。餐飽嚟嘅時候都暖暖哋，咬落去軟熟，都幾好。我嗰杯餐飲係蜂蜜紅茶，蜂蜜味都比較濃，紅茶味淡淡，我好鍾意呢個蜂蜜嘅甜度。老公就叫左杯蘋果綠茶，佢話蘋果味同埋綠茶味一樣濃，唔係太甜，佢覺得都幾好。我就叫咗個加拿大藍青口蟹皇忌廉汁天使麵，呢度都好大手筆，青口有成半打，size普通，唔大唔細。天使麵裏面夾住紅黃青椒，洋蔥，同埋菇一齊炒，所以食落都覺得你個爽口，天使麵又有炒得入味，整體味道都算唔錯。老公就點咗個扒香草春雞扒配牛肝菌紅酒汁飯，春雞扒都算幾大隻，仲有雞髀添。我試咗一嚿，春雞有淡淡嘅香草味道，入口都幾嫩滑，一啲都唔韌，配埋旁邊嗰個紅酒汁一齊食，都好好食喎，老公都幾鐘意。
呢間係街坊餐廳，但見到裏面裝修都幾骨子， 好乾淨。見到餐牌上有個是日精選，裡面有餐湯餐包，主菜同埋餐飲。
我同老公分別叫了一個羅宋湯同埋忌廉湯，見到老公嗰個羅宋湯都有好多料，佢話味道酸may may。而我呢個忌廉湯就結結地，鹹鹹地，味道都ok喎。餐飽嚟嘅時候都暖暖哋，咬落去軟熟，都幾好。
我嗰杯餐飲係蜂蜜紅茶，蜂蜜味都比較濃，紅茶味淡淡，我好鍾意呢個蜂蜜嘅甜度。老公就叫左杯蘋果綠茶，佢話蘋果味同埋綠茶味一樣濃，唔係太甜，佢覺得都幾好。
我就叫咗個加拿大藍青口蟹皇忌廉汁天使麵，呢度都好大手筆，青口有成半打，size普通，唔大唔細。天使麵裏面夾住紅黃青椒，洋蔥，同埋菇一齊炒，所以食落都覺得你個爽口，天使麵又有炒得入味，整體味道都算唔錯。
老公就點咗個扒香草春雞扒配牛肝菌紅酒汁飯，春雞扒都算幾大隻，仲有雞髀添。我試咗一嚿，春雞有淡淡嘅香草味道，入口都幾嫩滑，一啲都唔韌，配埋旁邊嗰個紅酒汁一齊食，都好好食喎，老公都幾鐘意。
Post
