Tivoli 意大利餐廳

Open Now

Now Closed

係講食物之前，首先真係要讚下餐廳嘅服務態度，真係令你有賓至如歸嘅感覺，waiter叔叔個個都好專業，manager仲成日走黎同我地吹水，又教我地點樣正宗咁享用意大利美食，介紹每一道菜，本身一頓晚餐即刻升左成個呢，上菜時間掌握得又好，等你食完一道先上另一道，慢慢食完全唔係問題，完全唔會有種食完要急住走嘅壓力，一間餐廳可以做咁多年果然係有原因！到講野食啦，我地點嘅菜多數都係由waiter叔叔推介嘅，而且真係冇令我地失望每一道都好好食(再加上manager嘅介紹好似真係特別好食啲咁)，叫左個鮮果沙律，裡面啲鮮果真係好新鮮，作為第一道菜非常開胃！跟住就到佢地嘅招牌菜燒羊鞍啦，配上3種調味醬料任君選擇，我個人就覺得點海鹽係最能夠帶出羊鞍本身嘅鮮味，manager見我一路食一路影仲特登拎出佢地嘅希臘海鹽比我影(笑)，佢話當地生產嘅海鹽係最靚，配羊鞍真係好正！之後我地仲點左茄汁海鮮闊條麵、公司薄餅、芝士焗火腿長通粉，樣樣都好好食，薄餅夠薄夠脆，不過味道可能有啲偏淡，食慣美式薄餅可能會有啲唔慣。芝士焗火腿長通粉呢個又係勁好食，manager話火腿係用黎調味，吸收哂芝士同火腿精華嘅長通粉先係主角，的確，