Video
Read full review
2016-07-11
302 views
三十年歷史的老牌火鍋店, 舊店在南角道角位, 即賈炳達道交界, 雖說是三十年, 但此店仍未算最舊, 還有其餘三間, 分別是姓方, 姓合, 姓東的老牌店, 鐘意食火鍋的人, 一定知吧..., 這間屬新裝修分店, 在同一條街, 較近衙前圍道, 地面店鋪不算大, 但有幾層, 客來客往, 甚多生意, 來到門口, 店員帶我們上兩層高的樓上雅座, 屬於八人座位的房間.友人落單, 先叫小食, 天氣淡熱, 今天不酒, 先來竹庶水, 清涼, 甜度低, 啱晒健康現代人...店員放了兩個工具鉗係檯面, 聚眼看來..., 好似公司電腦強哥隻"網絡線鉗", 攪邊科? ... 應該係...火鍋網絡工程crossover.... 應該係...第一碟小食上檯, 鮮醃螄蚶 ($68), 老一輩上海人, 最喜歡吃生醃黃泥螺, 間中也會用醃螄代替黃泥螺, 這碟生醃螄蚶, 勾起了兒時回憶..., 這碟加了魚露的螄蚶, 味道更勝一籌. 網絡線鉗, 終於開估, 大派用場, 前端有兩塊金屬片, 把它壓入螄蚶殼頂, 然後手柄一握, 因槓桿原理, 不需太用力, 螄蚶的殼, 輕易爆開. 已查過, 淘寶有售, 人仔十元至廿元不等, 咁
三十年歷史的老牌火鍋店, 舊店在南角道角位, 即賈炳達道交界, 雖說是三十年, 但此店仍未算最舊, 還有其餘三間, 分別是姓方, 姓合, 姓東的老牌店, 鐘意食火鍋的人, 一定知吧..., 這間屬新裝修分店, 在同一條街, 較近衙前圍道, 地面店鋪不算大, 但有幾層, 客來客往, 甚多生意, 來到門口, 店員帶我們上兩層高的樓上雅座, 屬於八人座位的房間.
友人落單, 先叫小食, 天氣淡熱, 今天不酒, 先來竹庶水, 清涼, 甜度低, 啱晒健康現代人...
店員放了兩個工具鉗係檯面, 聚眼看來..., 好似公司電腦強哥隻"網絡線鉗", 攪邊科? ... 應該係...火鍋網絡工程crossover.... 應該係...
第一碟小食上檯, 鮮醃螄蚶 ($68), 老一輩上海人, 最喜歡吃生醃黃泥螺, 間中也會用醃螄代替黃泥螺, 這碟生醃螄蚶, 勾起了兒時回憶..., 這碟加了魚露的螄蚶, 味道更勝一籌.
網絡線鉗, 終於開估, 大派用場, 前端有兩塊金屬片, 把它壓入螄蚶殼頂, 然後手柄一握, 因槓桿原理, 不需太用力, 螄蚶的殼, 輕易爆開. 已查過, 淘寶有售, 人仔十元至廿元不等, 咁正既開螄蚶神器, 即刻訂翻個...
廣東人稱呼為螄蚶, 南海人稱為血蚶, 最好味的螄蚶, 一定係煮到半生半熟，那種鮮味, 無其他貝類可代替. 港女港男一聽到呢個名, 加上打開血蚶的殼, 看到血一樣的顏色, 耍手兼擰頭..., 其實...他們到底知否, 螄蚶其實係與日本赤貝同種個喎....
第二味小食, 自製薯片炸海皇 ($80), 之前的日本薯片品牌係香港開專門店, 大排長龍, 有幸食到兩塊, 味道與脆口, 與這店的自製薯片, 相差真係無幾, 而且加了炸蒜蓉一齊入口, 更加香口.
近年食肆推出的食品, 愈來愈奇異, 普通魚食厭了, 搵一些罕有品種, 甚麼紅三刀、海紅雞、雞籠鯧、花金鼓等等.... 這碟炸海皇, 就是用上了花金鼓魚, 魚骨都炸至鬆脆, 整件入口食晒落肚, 無難度.... , 期待下一次可以食到陳皮蒸花金鼓, 據聞肉質爽滑, 尤其是魚皮豐厚, 尤其可口.
早十年前去澳洲, 多數大吃龍蝦, 近年去澳洲, 就一定食過水晶蟹, 澳洲的水晶蟹, 與香港來貨, 平不了多少, 但比較大隻, 這店的花雕蒸水晶蟹, 價位$988, 不算太貴, 還記得早排係富瑤酒家, 那隻花雕蒸大花蟹, 索價千五, 重量和肉質, 與這隻水晶蟹相無幾, 當然, 花蟹的級數, 與水晶蟹比, 未必適合, 正所謂...蟹比蟹, 比死蟹.... 哈哈...
水晶蟹的出產地是澳洲, 因為生長在深海, 無一千米...都有七、八百米的海底, 陽光不足, 紫外線無法到達, 所以蟹殼會出現白化現象, 聚眼看來, 有些半透明狀, 水晶之名, 因此而起.
倒入花雕和蛋白, 混入豐富蟹膏的蟹蓋, 蒸好後, 再混進烏冬, 蟹油蟹膏香味濃郁, 烏冬彈牙, 我估撈飯更正! 好好味...!
吃至半飽, 轉戰火鍋, 創意湯底介紹, 看完後, 胃酸立即到, 叫了一款特別做作的湯底, 無聽錯, 係特別做作..., 攪一輪花臣先可以食.... 哈哈!
火焰醉海皇湯底 $198, 話明係"火焰", 當然交足功課, 先上鐵鍋, 開火, 內已放大蝦、大蜆、番茄、洋蔥、蘿蔔、粟米等食材, 倒入烈酒... 冚蓋, 三分鐘左右....
三分鐘後, 看到有微煙,開蓋, 用點火器在鍋中點火...., 然後... 大家 嘩啦嘩啦..., 唔夠分半鐘, 燒完... ... 大家都係有些少變態, 鍾意玩縱火遊戲... 玩完後, 心情舒暢了許多..., 再倒入豬骨湯, 煲兩分鐘, 準備食牛肉.
封門柳 竹庶水 ($298), 生果報曾經訪問過經營牛肉零售生意幾十年的老行專, 講解牛隻不同部位的口感與味道, 單是用來打邊爐, 也可以分開十六個不同部位, 也包括今晚叫的"封門柳" (網上搵到: 牛隻用來打邊爐的十六部位: 肋條、牛頸、池板、牛胸尖、牛柳邊、封門柳、牛脊、腩翼、金錢展、牛骨髓、脷托、邊抓、牛心椗、扒底尖、主骨)
封門柳是牛隻身體用來控制橫膈膜的肌肉, 每隻牛只有兩塊, 那位老行專咁樣樣形容: 雖然沒有"牛心椗"那麼矜貴, 但肯定係肉味最濃郁和最香甜的部份.... 本來唔係好識食, 但睇完專家介紹, 仿佛自己都變成了專家, 的確... 牛味濃郁, 不需點醬油, 鮮味中帶甜, 果然一流... 哈哈....
原隻火箭魷魚筒 ($48), 個名改得特別有氣勢.... 全隻鮮魷, 紅磡街市都要賣廿幾蚊, 取價四十八, 算合理.
新鮮魷魚, 不可以灼太耐, 放滾湯, 二十秒, 剛剛好, 如果是厚身品種, 最多半分鐘, 否則會變得又硬又韌, 鮮魷最佳配搭, 都是麻油豉油, 少少便可, 帶出鮮味.
Post
