花園餐廳 (山東街)

Open Now

Now Closed

【花園餐廳】又到午餐覓食時間，今次揀左去花園餐廳食午餐，見到佢地啲扒餐都係做緊五十幾蚊，又唔使加一，想鋸下扒的話都唔算貴喎。西冷牛扒餐 $54一開始就比呢個餐吸引左入去😂，同樣可以揀跟薯菜/意粉/飯，同埋會配一款餐湯的～不過要餐包就要加3蚊，嗯，好似差咁啲咁😅份西冷牛扒都幾厚身嫁，都對得住個價錢😝切既時候覺得有少少韌，但食落又唔覺喎，肉質都幾嫩，配上蒜蓉汁都幾香的。 芝士焗吞拿魚火腿天使麵餐 $48明明為左鋸扒入黎，最後比個天使麵餐吸引左🤑，剛焗好就拎上枱，個白汁比較稠身，上面加左芝士去焗，忌廉味道比較濃郁，而且因為醬汁比較多既關係，基本上每啖意粉都可以捲到醬汁一齊食🤣。火腿條份量都好多，好似食極都有咁😝，吞拿魚就少啲啦，都係食食下就不期然咁食到咁樣😂😂😂。