金裝燉奶佬餐廳 (Closed)

公司多野做，所以老細話叫外賣食。知道有間新開張既茶餐廳，就話不如試下。　可能因為第一日開張，所以有少少混亂，連外賣紙都冇。環境衛生：好光猛，好乾淨，全部卡位，好寛堂，坐落真係好舒服（我只係坐係到等外賣），感覺好似高級茶餐廳。　服務：可能係新開張，對餐廳提供既食物同價錢唔夠認識。服務態度真係麻麻...　欠缺笑容，不大友善，好似唔係好想做咁。味道：　巴基斯坦咖哩牛腩飯：老細話太多飯，下次可以叫少飯。巴基斯坦咖哩好正，因為夠辣，個牛腩又夠啉。　粟米鴨胸天使麵配忌廉蘑菇湯：忌廉蘑菇湯唔會太杰，味道唔錯。鴨胸天使麵份量真係好多，我都差不多食唔哂。天使麵唔會煮到一舊舊或者一pat pat，抵讚。個粟米汁好親個鴨胸，不過個鴨胸有少少硬。我同同事今日下午準備再去試第二D餐。