Video
Read full review
2013-07-05
538 views
係一個月前係網上買左團購飞,諗住男友生日同埋一家去開開心心慶祝生日,點知完全跌破眼鏡囉 早一個星期前已經book左今日8點dinner,去到竟然被張大枱我地,我地都覺得古怪,啲伙計都主動話有細枱轉被我地,,喂,食個晚飯邊個中意搭枱架,等下等,,隔離細枱既客人都係團購,個伙計要佢地同我地一齊坐埋,個客梗係唔制,但伙計搬晒佢啲餐具嚟我地枱,焗住要人坐坐下調枱,,仲話團購係要枱搭係要咁坐,真係火都嚟,張4人團購飞都盛惠700大元架,嘩,難道我地唔係客人嗎? 再嬲既陸續有來,眼見有2,3位客人遲過我地入嚟都可以轉枱,我地呢?完全無視我地既需求,一張8人枱我地每家各有10客餸,都唔知點有可能食得舒服更別想能享受佳餚啦!我地再次要求轉枱,個老細終於過來理論,：(你地係團購,我地不嬲都要榙枱)我地回應,你團購飞條文無寫,訂位亦無講,就連入座都無講,我地入座都講明不想榙枱,你地伙計亦話會安排,老細即刻發火大聲講(我係老細,我話咁就係咁,三十幾年都係咁,你地啲團購飞唔食咪走囉)嘩,學劉德華話濟,今時今日咁既服務係唔得,,,我地點?又驚佢加料又唔想嘥錢喎,焗住食囉,跟住被我地聽到佢向個伙計發火(咁簡單
早一個星期前已經book左今日8點dinner,去到竟然被張大枱我地,我地都覺得古怪,啲伙計都主動話有細枱轉被我地,,喂,食個晚飯邊個中意搭枱架,等下等,,隔離細枱既客人都係團購,個伙計要佢地同我地一齊坐埋,個客梗係唔制,但伙計搬晒佢啲餐具嚟我地枱,焗住要人坐坐下調枱,,仲話團購係要枱搭係要咁坐,真係火都嚟,張4人團購飞都盛惠700大元架,嘩,難道我地唔係客人嗎?
再嬲既陸續有來,眼見有2,3位客人遲過我地入嚟都可以轉枱,我地呢?完全無視我地既需求,一張8人枱我地每家各有10客餸,都唔知點有可能食得舒服更別想能享受佳餚啦!我地再次要求轉枱,個老細終於過來理論,：(你地係團購,我地不嬲都要榙枱)我地回應,你團購飞條文無寫,訂位亦無講,就連入座都無講,我地入座都講明不想榙枱,你地伙計亦話會安排,老細即刻發火大聲講(我係老細,我話咁就係咁,三十幾年都係咁,你地啲團購飞唔食咪走囉)嘩,學劉德華話濟,今時今日咁既服務係唔得,,,
我地點?又驚佢加料又唔想嘥錢喎,焗住食囉,跟住被我地聽到佢向個伙計發火(咁簡單都唔識處理,你點做野架)嘩,最基本對待員工都做唔到,點樣生存係飲食行業上???
去番食物上,諗住佢地咁鬼串,應該食物幾好啦,,第一道,鹵水拼盤,無味又鞋口,,,第2道,炸九肚魚,粉厚又凍冰冰,十足十炸定咁,第三道,蠔仔粥,都算普通啦,不過入面有既柴魚完全未煲淋,係硬既,主菜薑蔥炒蟹,大叫人失望,其他都唔講啦,成餐飯too salty,反而個紅豆沙最唔錯,,,哈哈,間潮州店最好食竟然係糖水,不如轉行開糖水店,,差唔多想埋單時,個老細同個疑似……佢個仔既密密傾,跟住我見到佢影我男友相,嘩,真係唔知佢想點架喎,,走個陣,個伙計同我地講唔好意思,個伙計都不值老細所為,好認真講一 句,老細唔係大晒,咁巴閉就咪打開門口做生意
見個鬼都怕黑,以後唔會買團購飞,各位朋友仔,唔好幫襯呢間(潮州店)700元,惟有買個教訓,過左一年難忘生日飯啦！
Other Info. :
團購真係好無保障
(The above review is the personal opinion of a user which does not represent OpenRice's point of view.)
Post