小時光 (Closed)

今日同朋友敍舊，見係黃店又係台灣嘢所以就book左枱試，點知伏左。冇錯個裝潢的確幾懷舊幾特別幾有風味，但我係嚟食飯唔係嚟參觀。叫左個蕃茄牛肉麵加杯紫薯latte，總共85蚊，諗住收得呢個價錢，質素應該有翻咁上下啦，但原來唔係。先講個麵，牛肉份量同味道算係正常，但個湯淡到唔係見到有蕃茄我都唔知係蕃茄湯底，麵質比較冧（個人比較中意食硬嘅麵但呢啲係個人口味所以唔怪佢）。最重要嘅係個麵竟然完全唔熱！只可以話係暖！冬天諗住食麵暖過食飯，所以先揀麵，但點知埋到枱係微暖！OMG咁我做乜要食麵？另外杯嘢飲，紫薯味偏淡，不過都叫做有紫薯味，但收得20幾蚊嚟講就真係算細杯（跟餐先可以嘢飲減10蚊，原價一杯30幾蚊）。總括而言，真係好失望，可一不可再。