Video
Read full review
2012-07-16
427 views
5月19日, 成日嚟到灣仔呢頭酒吧一帶, 都係會去食ebeneezer, 咁啱有一次行過見到呢一間同樣係食土耳其野, 睇落可以試下~ 今晚雖唔順路, 但係都特登嚟食~::: Appetizer :::一坐低就會先送上一碟沙律作為前菜, 望落好似雜果沙律, 但係材料又唔係好生果~ 有青豆、蛋、蘿蔔、薯仔, 再伴以青瓜, 再加上沙律醬, 味道都幾豐富~ 但係伴沙律嘅沙律醬又豈止只係撈咗落去嗰d, 喺枱上面仲有3種唔同嘅沙律醬, 味道都各有不同, 有隻似千島, 又有一隻好似yogurt酸酸地咁, 可以隨喜好任加~::: Mixed Ezme Kebab ::: $98本身我係order咗一個叫Mixed Donor Rice嘅, 但係menu度各種嘅飯類都係差唔多樣, 上枱嚟咗呢碟野, 我都冇為意佢有冇嚟錯咗, 直至佢跟住又上過第二碟飯, 先知我食緊嘅原來係Mixed Ezme Kebab, 嚟錯咗… 不過算啦, 都未食過唔會知道邊樣好食d. 呢個飯都係由唔同肉類拼埋, 分別有烤羊肉、烤雞肉同串燒羊肉, 再撈蕃茄汁配白飯~ 3 種肉味道都各有分別, 雞肉比較實又有少少嚡, 麻麻地… 要數最好
::: Appetizer :::
一坐低就會先送上一碟沙律作為前菜, 望落好似雜果沙律, 但係材料又唔係好生果~ 有青豆、蛋、蘿蔔、薯仔, 再伴以青瓜, 再加上沙律醬, 味道都幾豐富~ 但係伴沙律嘅沙律醬又豈止只係撈咗落去嗰d, 喺枱上面仲有3種唔同嘅沙律醬, 味道都各有不同, 有隻似千島, 又有一隻好似yogurt酸酸地咁, 可以隨喜好任加~
::: Mixed Ezme Kebab ::: $98
本身我係order咗一個叫Mixed Donor Rice嘅, 但係menu度各種嘅飯類都係差唔多樣, 上枱嚟咗呢碟野, 我都冇為意佢有冇嚟錯咗, 直至佢跟住又上過第二碟飯, 先知我食緊嘅原來係Mixed Ezme Kebab, 嚟錯咗… 不過算啦, 都未食過唔會知道邊樣好食d. 呢個飯都係由唔同肉類拼埋, 分別有烤羊肉、烤雞肉同串燒羊肉, 再撈蕃茄汁配白飯~ 3 種肉味道都各有分別, 雞肉比較實又有少少嚡, 麻麻地… 要數最好食嘅, 係一種羊肉, 但係分唔出係烤羊肉定串燒羊肉, 係顏色好深嗰隻~ 佢係由羊絞肉搓番成丸狀再燒, 食落肉地比較淋同埋有少少油, 仲有羊羶味, 幾香~ 亦都因為另外嗰隻羊肉頗硬同乾, 另到呢隻羊絞肉更好味~ 要講埋個茄汁, 因為嗰d肉都比較實同乾, 咁個茄汁就可以增加番肉嘅味道, 又可以提升番胃口同清新感, 唔會啖啖肉咁滯.
::: Salad With Istanbul Donor ::: $72
呢個轉轉羊肉沙律真係好大份! 沙律底照樣係平時食開嘅生菜、椰菜絲、紅洋蔥絲、蘿蔔絲, 咬落爽脆都算新鮮~ 面頭鋪滿晒一片片嘅轉轉燒羊肉. 不過呢隻羊肉同平時食開嘅啖啖肉有d唔同, 呢隻係由一大碌免治羊肉度片出嚟嘅~ 口感係好似食緊一片片肉丸咁, 同埋可能免治羊肉調味太重, 完全食唔到羊羶味, 情況同食雞肉腸但無雞味一樣… 唔係唔好食不過唔係我想食嘅燒羊肉囉… 唯一值得欣賞係佢擺喺枱面任你落嘅沙律醬~ 可以幫我為個沙律加添番多d風味! 成個沙律真係好大份~ 淨食呢個都好飽好飽!
::: Istanbul Lemonade Drink ::: $24
睇下個drink list, 唔想飮lassi, 就叫咗呢杯特色檸檬汁~ 係咪好地道就唔知, 特別就唔算係好特別, 味道都只係似青檸汁, 似多咗一份甜味~ ok啦未飲過可以一試~
土耳其式嘅沙律味道確實係唔錯, 因為佢地用嘅沙律醬都好有特色~ 但係飯呢就主要係肉配飯比較多, 多數係雞同羊, 所以我地都係鐘意食烤卷多d, 話晒少食d麻~ 食後覺得呢間同ebeneezer差唔多, 都會輪流食下嘅~
Post
