Unbothered (Closed)

自從禁左夜市同酒吧都好少去蘭桂坊，原來蘭桂坊開左間新cafe，我下晝得閒就過去試下。Cafe環境都幾舒服，有露台位，可以望住街景食野。仲有村上隆花花牆比人打卡添。尼度有唔少特色飲品。我叫左一杯凍既豐胸波波茶，木瓜味唔太出，但都好足料，有葛根、玫瑰同枸杞，飲落去都好fresh。仲試埋熱既朱古力鮮奶伯爵紅茶，朱古力上面仲有個靚靚拉花，而且味道都唔會太甜。最後叫左佢個魚蛋燒賣雙拼，點鼓油同麻油食，味道更香。另外推介佢既炸雞軟骨,雞軟骨炸到粒粒金黃鬆脆，而且唔同出面一般淨係得舊骨，佢每粒都有少少油脂痴住骨，口感一流，而且食落有雞味。