Video
Read full review
2011-04-05
21 views
略略睇過之前十多篇食評，真係覺得有點失實報導、做梅之厭 ~ 食家們大多只有 1 篇到幾篇食評。經親身試過後，完全跟讚好既食家們完全相反，莫非只不過係我黑仔？定搵老襯呀？食物質數差、服務不殷勤，侍應們有點遊魂，只屬港式茶餐廳中下級水平。睇個 menu 啲選擇都幾多，又可以話係新派又可以話係港式。試左幾味，感到有點金肉其外、敗絮其中。裝修同環景都幾好，卡位舒服，但坐獨立枱就有點窄，而且密度高，有點迫夾。格局、環境同氣氛好有日本快餐 feel ~ 傳聞係金源茶餐廳老闆開既，唔知真定假呢？Order 漏單、每次添茶都要示意，不會留意食客有咩需要，上餐時求其掉低就轉頭走，全程毫無笑容，同金源茶餐廳既服務水平同出一徹。第一次黎，坐低望望 menu，顏色鮮艷，印刷都幾精美喎，都好多選擇，真係一試難忘 ﹗極上刺生盛，有八款。甜蝦、油甘魚、帶子、三文魚、立魚薄切、吞拿魚、北寄貝及鱆紅魚，惡夢既開始。甜蝦、油甘魚及帶子，溫度過低，雪得太冰，放入口連牙骹都凍到震，太凍跟本嘗唔到任何味道，唔好要求話要鮮甜味喇，依家係完全無味，最離譜係甜蝦，雪到有點入雪。三文魚味淡，脂肪少，超級市場平價貨式，無三文魚應有既鮮甜
食物質數差、服務不殷勤，侍應們有點遊魂，只屬港式茶餐廳中下級水平。睇個 menu 啲選擇都幾多，又可以話係新派又可以話係港式。試左幾味，感到有點金肉其外、敗絮其中。裝修同環景都幾好，卡位舒服，但坐獨立枱就有點窄，而且密度高，有點迫夾。格局、環境同氣氛好有日本快餐 feel ~ 傳聞係金源茶餐廳老闆開既，唔知真定假呢？Order 漏單、每次添茶都要示意，不會留意食客有咩需要，上餐時求其掉低就轉頭走，全程毫無笑容，同金源茶餐廳既服務水平同出一徹。
第一次黎，坐低望望 menu，顏色鮮艷，印刷都幾精美喎，都好多選擇，真係一試難忘 ﹗
極上刺生盛，有八款。甜蝦、油甘魚、帶子、三文魚、立魚薄切、吞拿魚、北寄貝及鱆紅魚，惡夢既開始。
甜蝦、油甘魚及帶子，溫度過低，雪得太冰，放入口連牙骹都凍到震，太凍跟本嘗唔到任何味道，唔好要求話要鮮甜味喇，依家係完全無味，最離譜係甜蝦，雪到有點入雪。三文魚味淡，脂肪少，超級市場平價貨式，無三文魚應有既鮮甜味道。立魚薄切，口感腍劈劈，正常新鮮既理應嚥靭彈牙，口感實淨，立魚本身味淡，係食其口感及鮮味，可配淡醬油同吃，但依度啲醬油似乎淡得滯喎。吞拿魚，紅肉部份屬最平宜，瘦乾鞋啖，無喇。北寄貝，夠腍，無其他可講。
鱆紅魚，唯一最滿意，未見過切得大大舊，抵食，口感鮮嫰棉滑，魚油豐盈又肥美，魚香充滿口腔，好味道。
海膽軍艦，海膽味鮮濃，份量又夠多，配埋味道清新既青瓜絲，真係好好味。不過紫菜又腍又靭既，完全唔脆，要扣分。賣相求其，有點凌亂，唔夠整齊，要扣分。最嚴重係啲飯，飯仲熱架喎，熱飯壽司？真係聞所未聞 ﹗口感勁濕、勁笠、漿住個口，唔乾爽，黐埋一舊，完全無甜醋味，味帶苦澀，港式白飯，超劣 ﹗連飯都著得唔好，掂開壽司店呀。
軟殼蟹手卷，睇個賣相，感覺似一早先卷好啲飯備用，當收到 order 時，就將啲餡插入去咁。依家就好似將軟殼蟹硬插去中間。飯 ﹗同樣地啲飯仲熱架喎，口感勁濕、勁笠、漿住個咀、唔乾爽、無甜醋味，唔似用正宗日本米煮架喎。塊紫菜直頭好似層皮咁靭，好辛苦先用牙扯開，完全唔係脆卜卜既紫菜，到底搞咩呀？﹗可能係啲飯又濕又熱搞到塊紫菜腍晒。
唯一可取既係炸軟殼蟹，做得唔錯，薄薄一層天婦羅脆漿，炸得乾爽金黃香脆，不油不膩，幾好味。
金龍蝦芝士卷，又係啲飯，差到無人有，先前已講過點惡劣法，唔再提。其實蝦味鮮甜，炸得金黃香脆，係好味既，配埋沙律醬同牛油果，不俗。但係個飯真係要掉去垃圾桶呢，影響整個評分。
辛辣海鮮手打烏冬鍋，石頭鍋熱辣辣滾住放上枱，夠晒氣派。辛辣？﹗係咪呀？﹗用個味精加豉油湯底加啲辣油就當係，離譜啲喎。辛辣湯底理應橙紅色、有濃郁既酸辣味道及香氣。依碗真係手打烏冬？﹗唔係掛？﹗形狀、口感同味道跟超級市場買既機做博多即食烏冬一模一樣，依家形狀彎彎曲曲、口感滑但咬落係硬實。手打烏冬口感應當嚥靭彈牙又嫰滑，味重米香，形狀垂直而粗幼略有不一，還會帶方形。海鮮烏冬配料有急凍青口兩粒，急凍帶子一粒，無味。雪藏蝦，廿十成熟，又鞋又硬，當然都係無味。
最好食既係什菌、什菜、金菇同日式魚蛋片，多謝晒。
結賬要成 HKD300 多，咁既質數幾平都唔值，食得唔開心，唉。
Post
