霸王川莊 (Closed)

青衣城開左間霸王川莊，適逢老豆生日，就一家人去試下，但其實老豆係食唔到辣㗎😂環境頗大闊敞，帶埋BB黎，都唔駛收bb車，可惜係長枱，食中餐坐長枱總是怪怪的，但新式中菜都係咁。有圍菜揀，但我地考慮完都係自己點自己想食既好過圍菜。食物招牌酸菜：超推，酸味十足，加麻辣，我地叫左小辣，唔係好食得辣嘅都食到，裏面仲有薯粉，非常夾簡陽辣子羊肉：好香口，好惹味，好食到大家係咁搵仲有無羊肉淨水煮牛+豆卜+水晶粉+牛肚食辣嘅朋友必試，我地只係叫左辣度一，已經好麻，但可以食到，豆卜吸哂所有精華，牛肚好爽，建議試下招牌炒飯：唯一唔辣既野，無咩特別脆皮黃金鴨：要等半個鐘㗎！蝴蝶餅好油，似饅頭，有啲甜，我覺得唔夾鴨，overall 普通，鴨皮薄有誠意嘅刀工，但唔一定要叫拔絲香蕉：影相一流，我地當蛋糕俾老豆，但超甜，怕甜嘅女仔食上面嘅抜絲好啦