Video
Read full review
2018-07-15
447 views
和老人家去午飯，多數都係去飲茶，因為佢哋唔慣食西式或其他地方嘢食。又因為，佢哋係要有茶和飯落肚，先至覺得舒服。不過，我始終唔多鍾意去飲茶，因為大多數酒樓都好嘈，服務員招呼又唔好，茶芥收費往往每人收廿蚊，仲要加一，三個字講完: 唔值囉!今日決定破破格，轉下口味，接埋班老人家去荃灣廣場呢間主打福建菜的菜館食午飯，希望可以改收變佢哋嘅思想，出家食飯唔一定要去酒樓。菜館設在商場4/F，環境闊落開揚，樓底又高，傾計講嘢唔怕嘈。坐6人圓檯仲有落地玻璃 view 添，老人家不知幾開心。老人家出街食飯另一要求係要大件夾抵食。呢種想法，唔係因為荷包無錢，而係節儉係美德，係 built-in 咗入DNA，唔易改變。節儉呢家嘢我都曉，DNA 嚟㗎嘛，遺傳晒俾我啦。所以食個6人頭等午市套餐，$598，連埋兩個小食合共有12樣嘢，包茶水，免加一，合晒你合尺啦，老豆!先來5個前菜小食。【1: 脆紫菜】係送的。好香脆。【2: 酸辣椒、木耳】木耳爽口，青辣椒仔經醃過，所以有少少酸味，加上有檸檬絲，整個小食非常開胃。【3: 水晶豬蹄凍】有豐富骨膠原，老人家多數有關節毛病，這個小食啱晒佢造哋。造成一粒粒立方體，挾起來都好
今日決定破破格，轉下口味，接埋班老人家去荃灣廣場呢間主打福建菜的菜館食午飯，希望可以改收變佢哋嘅思想，出家食飯唔一定要去酒樓。
菜館設在商場4/F，環境闊落開揚，樓底又高，傾計講嘢唔怕嘈。坐6人圓檯仲有落地玻璃 view 添，老人家不知幾開心。
老人家出街食飯另一要求係要大件夾抵食。呢種想法，唔係因為荷包無錢，而係節儉係美德，係 built-in 咗入DNA，唔易改變。
節儉呢家嘢我都曉，DNA 嚟㗎嘛，遺傳晒俾我啦。所以食個6人頭等午市套餐，$598，連埋兩個小食合共有12樣嘢，包茶水，免加一，合晒你合尺啦，老豆!
先來5個前菜小食。
【1: 脆紫菜】
係送的。好香脆。
【2: 酸辣椒、木耳】
木耳爽口，青辣椒仔經醃過，所以有少少酸味，加上有檸檬絲，整個小食非常開胃。【3: 水晶豬蹄凍】
有豐富骨膠原，老人家多數有關節毛病，這個小食啱晒佢造哋。造成一粒粒立方體，挾起來都好方便，配埋菊花茶都幾夾。
【4: 蝦苗拌頭水紫菜】
薄青瓜捆住一大團水紫菜，內裡還有些蝦皮，賣相好精緻。水紫菜好爽口，加上蝦皮的鮮味，又是一道好涼菜。【5: 冰浸苦瓜】
冰浸苦瓜
19 views
0 likes
0 comments
點些蜜糖水，原本帶少少苦的苦瓜便多了一重蜜甜味，又爽又甘又甜，好正!
如果嫌唔夠味，可以點些自家製辣椒 “辣媽醬”，包你胃口大增。
【6: 大白菜燉大軟豆腐】
一鍋可以分到8碗，超乎老豆預期。湯味非常鮮甜，原因係有大白菜、中芹、乾瑤柱、蝦米等食材。老豆話: 大軟豆腐咪即是我哋平時食開嗰啲豆卜，只不過大件啲，嗦起湯嚟會多啲囉，食起嚟咪會更好味囉。咦，原來湯裡面仲有6cm 長嘅哆頭蟶子，賺咗!
【7: 風味松鼠魚】
這個菜式好似在上海菜館食嗰啲松子魚，都係將條魚炸脆，然後淋個酸甜汁醬，當然唔少得係有松子啦。侍應好好人，知我哋有老人家，怕骨，便幫我哋拎條魚入去廚房起埋骨，真窩心!
松鼠魚外皮係脆，肉裡魚肉係好鮮嫩的，個汁醬味都唔錯。
【8: 脆皮蒜香雞】
半隻雞佈滿香蒜，係幾香口。不過，老人家嫌佢炸得太乾。我就獨愛雞翼尖，入晒味。
【9: 風味燜苦瓜】
味道唔多特出，只是普通的燜苦瓜。通常我哋食煮苦瓜係會去苦瓜籽的，這個菜較為特別，係連苦瓜籽都一齊燜，這就是風味。
【10: 黃金荷葉包】
是6個熱辣辣的芝麻包和一碗香炒洋蔥肉絲。
芝麻包好香脆，感覺好似上海菜的炸銀絲卷。將個包劏開。
然後，將肉絲填入包內來食，滋味無窮，老人家讚不絕口。
【11: 包菜飯】
係一個撈飯，主要係由花生粒、菜粒、蔥粒和特別醬汁撈成嘅飯。有飯落肚，老人家自然開心。【12: 蓮子銀耳湯】
即係雪耳蓮子紅棗糖水，都好清潤。老豆又發功: 如果出街食，6碗起碼都收你$90，呢個餐12樣嘢，樣樣都有水準，都只係收 $598，非常抵食。仲話下次可以叫埋姨媽一家人嚟開餐。
Post
