路邊煱 (Closed)

土瓜灣呢個地方我真係第一次嚟，如果唔係家姐, 我諗我可能成世都唔會嚟 家姐真係有我心，知我鍾意食雞煲成日帶我周圍食((感動mode))雖然依個時間冇乜人，但係晏啲就逼爆人，想入座就要乖乖喺門口等位，店內設有wifi供客人使用。火鍋調味配料，好新鮮嘅感覺！麻辣海蜇---海蜇爽口，又長又厚又多，極之惹味。八味金磚豆腐---外脆內滑，炸皮同豆腐唔會一夾就散，濃濃嘅豆香喺口腔內揮發出。到主角~我最愛嘅雞煲，呢個係非一般嘅雞煲...花雕醉雞煲---價錢同普通嘅川味雞煲一樣，店員介紹係希望怕辣嘅人都可以享用雞煲。店員一打開煲蓋，好香嘅花雕味撲鼻，聞到就想食不過個人比較鍾意酒味重啲，如果再多啲酒會更佳。雞煲嘅雞係厚肉又唔會太肥，雞皮滑雞肉更滑，除非我地由雞喺煲入面滾就另作別論。食完雞煲就加湯變火鍋時間~~牛筋丸---非手打，咬落即刻爆汁，食用時小心！蝦丸---手打嘅，蝦味甜！墨丸---手打嘅，純墨魚無添加，彈牙過瀨尿牛丸！胡椒豬肚丸---店員介紹係店方特製嘅，非常特別，胡椒好重，仲食到一粒粒嘅豬肚，彈牙有口感。三寶餃~沙葛餃，椰菜餃，韭菜餃……新鮮自家製，皮薄餡大！火鍋點少得安格斯牛肉---肥瘦均