Davinci Cook (Closed)

同一個將軍澳朋友食生日飯，所以就揀咗呢間～對於家住元朗嘅我確實有點遠但油尖㕵區又已經無咩啱食，咁不如試下新野前菜係焗薯皮～好香，裡面有青椒紅椒粒，牛油果醬同芝士。外皮脆脆地裡面又淋淋地，有少少辣辣地幾好味。根住一個達文西沙律～一個無火箭菜嘅沙律，正呀^_^最憎火箭菜。呢個沙律有西生菜(如果係羅馬生菜就好啦)，仲有椰菜，蕃茄同青瓜，份量都幾大，而且仲有烤雞肉，食完個沙律就已經飽飽地。。。哈哈！！最特別係個沙律汁，甜甜地同d菜同雞肉都好夾好開胃，估計有橄欖油同蜜糖，仲有一粒粒好似種籽好細粒嘅唔知係乜，相信香味係由呢d籽發出，呢個沙律真係推介再黎一個豬肋骨半份～半份都有成5條骨架，個外皮烤得幾脆同幾入味，算係好食，只不過呢個時候我地已經有5成飽，有d吃不消嘅感覺。但係呢～放喺骨下面嘅薯角又幾香脆好味喎，就算飽都想食囉。喺我地已經食到8成飽之後再上一個蕃茄雞肉磨菇寛條面～嘩～簡直係挑戰人體肚皮嘅極限。問心的，呢個真係好食，見到有蕃茄蓉喺面，磨菇亦都唔少，值得一讚嘅係個面條好乾身，軟硬度適中，唔會係一pat汁包住一條淋哂嘅意粉，要做到呢個效果又好食嘅真係唔易～我地居然可以食哂呢碟野，真係不得了飽