Video
Read full review
2020-04-21
543 views
呢日去朋友屋企玩，玩到唔知時日，九點幾都未食晚飯，就落街睇下有乜好食。由於唔想食連鎖店，又見到呢間粉麵店未關門，就一於幫襯下😉。我哋睇緊餐牌之際，店員就好熱情行埋嚟介紹，比張傳單我哋。佢仲同我哋講餐廳係新開㗎，買滿$150就送外賣等等。我哋只係諗住買外賣，但佢都好好招呼我哋入去坐住慢慢揀食乜（當然都有做足量體溫嘅動作）。麵店環境似茶記多啲，枱櫈比起一般麵舖好坐👍。老闆都行埋出嚟傾計，話當呢到係屋企就得😍，唔使客氣。佢推介我哋可以試下牛三寶；另外，仲有啲炸小食。除咗一般粉麵外，餐廳仲有唔少花臣菜式，包括羊腩煲同泡飯等等；佢叫我哋下次可以堂食試下👌！ 等嘅期間，有唔少人同我哋一樣都係買外賣，仲有個外國人嚟買雲吞牛腩粗添，你真識食🤣。牛三寶麵($48)，價錢比平日稍貴，但啲餸多到一個點！由於我哋Share食，所以分開咗啲麵同餸，啲餸多到可以鋪滿哂成個碗蓋。🐮牛三寶包括牛腩、牛肚同孖筋，味道唔錯，我最鍾意牛腩，肥瘦剛好。紫菜四寶撈麵($38+$7轉撈麵)，四寶包括魚皮餃、魚片頭、貢丸同墨丸。🍢魚片頭同墨丸都幾正，而個紫菜湯亦幾好、夠多紫菜。原來真係撈麵先會將個湯分開上，撈麵嘅麵量好似比起湯麵多
呢日去朋友屋企玩，玩到唔知時日，九點幾都未食晚飯，就落街睇下有乜好食。由於唔想食連鎖店，又見到呢間粉麵店未關門，就一於幫襯下😉。
我哋睇緊餐牌之際，店員就好熱情行埋嚟介紹，比張傳單我哋。佢仲同我哋講餐廳係新開㗎，買滿$150就送外賣等等。我哋只係諗住買外賣，但佢都好好招呼我哋入去坐住慢慢揀食乜（當然都有做足量體溫嘅動作）。麵店環境似茶記多啲，枱櫈比起一般麵舖好坐👍。
老闆都行埋出嚟傾計，話當呢到係屋企就得😍，唔使客氣。佢推介我哋可以試下牛三寶；另外，仲有啲炸小食。
除咗一般粉麵外，餐廳仲有唔少花臣菜式，包括羊腩煲同泡飯等等；佢叫我哋下次可以堂食試下👌！
等嘅期間，有唔少人同我哋一樣都係買外賣，仲有個外國人嚟買雲吞牛腩粗添，你真識食🤣。
牛三寶湯麵
$48
25 views
0 likes
0 comments
紫菜四寶撈麵
$45
23 views
0 likes
0 comments
紫菜四寶撈麵($38+$7轉撈麵)，四寶包括魚皮餃、魚片頭、貢丸同墨丸。🍢魚片頭同墨丸都幾正，而個紫菜湯亦幾好、夠多紫菜。原來真係撈麵先會將個湯分開上，撈麵嘅麵量好似比起湯麵多。
黃金炸墨魚丸
$30
18 views
0 likes
0 comments
我哋加咗份小食($30)，本身淨係想要🦑黃金炸墨魚丸，但老闆好熱情咁話雙併、甚至每樣要啲都得，所以我哋就拼埋🥟泰式炸雲吞。我哋返到去打開先發現每樣有六粒，即係老闆可能係半賣半送咁畀我哋？真係太唔好意思了🙈！炸墨魚丸好好食，好彈牙，感覺唔會太難消化，剛好；炸雲吞就比較細粒，但點醬食都OK。
總括嚟講，雖則麵店嘅食品未去到驚為天人嘅好味，但都正正常常幾好，而且份量非常慷慨！最重要係呢到充滿濃濃嘅人情味，十分難得😊。
Post
