Video
Read full review
2021-06-20
255 views
某日與表姐閒聊，得知大角咀最近新開一間火鍋店－廿七窩，性價比高，值得一試。衆所周知，大角咀乃近年老饕熱門覓食之地，火鍋店選址大角咀，可見實力不容小覷。立即打電話訂枱，嘗鮮去。 甫入店內，型仔老闆💁♂️立即熱情相迎，店內裝修走的是親民路線，簡單且簡潔，「碰杯声共语声喧，锅中肉肉涮还鲜。」已足夠形容。我哋各自安坐後，型仔老闆便立即送上一碟餐前小食－「蒜香豆腐粒」，豆腐炸得外脆內軟，甘香可口，令人食到停唔到口。跟住型仔老闆就介紹當日象拔蚌同鱆紅魚好新鮮，做刺身一流。聽落都覺得好味，即刻落單。象拔蚌刺身先上，絕對是新鮮現切。師傅刀工一流，片片厚薄適中，爽脆彈滑，入口完全冇腥味。輕嚼幾下，象拔蚌嘅鮮味便充滿整個口腔，令人難以自拔，1.4斤的象拔蚌瞬間就被清空嘞。店家馬上送上啱啱切好嘅鱆紅魚刺身。魚肉片片晶瑩剔透，望落就知新鮮，食落更加彈牙鮮甜，慢嚼輕咽，魚的鮮甜味慢慢咁滲出，箇中嘅滋味，非筆墨所能形容。果然冇介紹錯👍而且鱆紅魚每日新鮮到店，限量發售，喜愛魚生嘅你，一定不可以錯過。 食完兩大盆刺身，已經好心滿意足，覓食老饕點會就此收手呢！當然立即加點店內人氣之選「廿七奇味雞煲(小辣)」。呢個雞煲，
甫入店內，型仔老闆💁♂️立即熱情相迎，店內裝修走的是親民路線，簡單且簡潔，「碰杯声共语声喧，锅中肉肉涮还鲜。」已足夠形容。我哋各自安坐後，型仔老闆便立即送上一碟餐前小食－「蒜香豆腐粒」，豆腐炸得外脆內軟，甘香可口，令人食到停唔到口。跟住型仔老闆就介紹當日象拔蚌同鱆紅魚好新鮮，做刺身一流。聽落都覺得好味，即刻落單。象拔蚌刺身先上，絕對是新鮮現切。師傅刀工一流，片片厚薄適中，爽脆彈滑，入口完全冇腥味。輕嚼幾下，象拔蚌嘅鮮味便充滿整個口腔，令人難以自拔，1.4斤的象拔蚌瞬間就被清空嘞。店家馬上送上啱啱切好嘅鱆紅魚刺身。魚肉片片晶瑩剔透，望落就知新鮮，食落更加彈牙鮮甜，慢嚼輕咽，魚的鮮甜味慢慢咁滲出，箇中嘅滋味，非筆墨所能形容。果然冇介紹錯👍而且鱆紅魚每日新鮮到店，限量發售，喜愛魚生嘅你，一定不可以錯過。
食完兩大盆刺身，已經好心滿意足，覓食老饕點會就此收手呢！當然立即加點店內人氣之選「廿七奇味雞煲(小辣)」。呢個雞煲，雞肉咬落新鮮彈滑林甜，香辣醒胃，令人感覺之前吃嘅刺身魚生已經完全消化，食力即刻恢復。嘆完個雞煲，梗係放湯打甂爐喇，型仔老闆又介紹每隻牛得一條嘅「頂級手切封門柳」，跟住指示，水滾落肉川燙5秒，一放入口...... 嘩，牛味香濃，肉質軟林之餘又有咬口，終於明白封門柳咁矜貴係有原因嘅。廿七窩嘅火鍋配料種類繁多，而且有啲係一般火鍋店冇嘅。特別要介紹嘅就是「台灣豆腐紙」及「廿七手炸響鈴」。豆腐紙－第一次聽，都係第一次吃。豆腐紙只需落水一浸，便可即刻撈起，豆味濃郁，食落去爽滑順口；響鈴更加係令人傾心之作，一般嘅響鈴，落水兩秒，就會整個軟掉，食落成嘴油，但廿七窩嘅自家響鈴，落水3秒，表面軟化，但咬落卷心仲係「喀嚓喀嚓」，依然鬆脆誘人，而且唔覺油膩，絕對驚喜。
食咗成晚，食物好味質素高外，店家嘅服務又值得一讚。是晚同行朋友中有位，唔食生嘢，唔食辣兼唔食肥膩。一句講哂，我哋點嘅嘢8成都唔啱佢食。店家知道後，即刻同大廚商量，好快就炒咗碟色香味俱全嘅「菜心炒牛肉」俾朋友，盡量照顧到每位客人客製化嘅需要，不得不俾個👍
總結成晚嚟講，所有嘅朋友都食得好開心。食物新鮮好味，每樣都係用心之作，物有所值。雖然廿七窩交通位置唔算太便利，但食物質素同服務態度激讚，值得一去再去。
Post