Video
Read full review
2020-04-11
464 views
復活節四日紅日冇得出國，行山或者離島又多人感覺仲危險，唔想四日都屈喺屋企就出去食晚飯行下當係節目。港原味係大角咀一間新開特式茶餐廳，全店畫滿六七十年代香港街景嘅壁畫，每個位都係打卡位。晚市以小菜為主，價錢由$58至$108，送白飯同熱飲，另外可以加錢要足料靚湯同轉凍飲或其他特飲。落完單侍應先送黎一人一道前菜，免費。咖哩農夫包($99)農夫包入面嘅餡料可以揀豬扒、牛肉或者雞肉，份量都幾多，建議可以兩個人share食。我地揀左豬扒，裡面除左豬扒，仲有好多薯仔同青椒，所以都幾飽肚。咖哩香濃得黎唔辣，就算唔食辣都食倒，不過咖哩汁唔多，想用黎蘸麵包食就唔得。椒鹽鮮魷($98)椒鹽鮮魷份量都唔少，鮮魷幾多而且都幾大隻，中間有好多炸蒜粒，好香蒜味。魷魚唔會太韌，椒鹽味都可以，炸漿唔會太硬太厚。辣子鮮雞($108)辣子鮮雞香香辣辣幾惹味，辣度屬於小辣程度，唔會食得太辛苦。足料靚湯(跟餐加$8)足料靚湯晚晚唔同，是晚係它黃瓜雞腳湯，入面都有幾多料，夠味得黎飲得出冇加味精，平時屋企冇乜湯水飲嘅朋友必點！凍朱古力(跟餐加$3)凍朱味道都幾濃。雪山紅豆冰(跟餐加$10)紅豆冰上面有大大球忌廉，令口感硬滑，奶味
港原味係大角咀一間新開特式茶餐廳，全店畫滿六七十年代香港街景嘅壁畫，每個位都係打卡位。
晚市以小菜為主，價錢由$58至$108，送白飯同熱飲，另外可以加錢要足料靚湯同轉凍飲或其他特飲。
落完單侍應先送黎一人一道前菜，免費。
咖哩農夫包($99)
農夫包入面嘅餡料可以揀豬扒、牛肉或者雞肉，份量都幾多，建議可以兩個人share食。
咖哩農夫包
$99
15 views
0 likes
0 comments
我地揀左豬扒，裡面除左豬扒，仲有好多薯仔同青椒，所以都幾飽肚。
咖哩農夫包
$99
2 views
0 likes
0 comments
咖哩香濃得黎唔辣，就算唔食辣都食倒，不過咖哩汁唔多，想用黎蘸麵包食就唔得。
咖哩農夫包
$99
5 views
0 likes
0 comments
椒鹽鮮魷份量都唔少，鮮魷幾多而且都幾大隻，中間有好多炸蒜粒，好香蒜味。
椒鹽鮮魷
$98
9 views
0 likes
0 comments
魷魚唔會太韌，椒鹽味都可以，炸漿唔會太硬太厚。
椒鹽鮮魷
$98
7 views
0 likes
0 comments
辣子鮮雞($108)
辣子鮮雞香香辣辣幾惹味，辣度屬於小辣程度，唔會食得太辛苦。
辣子鮮雞
$108
5 views
0 likes
0 comments
足料靚湯(跟餐加$8)
足料靚湯晚晚唔同，是晚係它黃瓜雞腳湯，入面都有幾多料，夠味得黎飲得出冇加味精，平時屋企冇乜湯水飲嘅朋友必點！
足料靚湯
$8
9 views
0 likes
0 comments
凍朱古力(跟餐加$3)
凍朱味道都幾濃。
雪山紅豆冰(跟餐加$10)
紅豆冰上面有大大球忌廉，令口感硬滑，奶味都可以，紅豆煲得夠腍，唔會太甜。
總結，食物正正常常，雖然菜式同一般茶餐廳差唔多，但感覺較乾淨企理，加上特式壁畫，屈喺屋企太悶，黎打下卡都唔錯。
Post
