羅麥記 (奧海城2期) (Closed)

最近奧海城開左間新既冰室叫羅麥記，之前一直想試今次終於可以去食番餐。餐廳裡面裝潢仿效傳統舊香港既冰室，頗有懷舊味道。首先叫個羅麥雞翼做小食，可以揀辣/唔辣，今次試左辣味既，醬汁有d 似瑞士汁但配埋辣椒既辣味非常惹味！雞肉亦煮到夠哂熟好淋身，正！再黎就係主菜燴牛脷意粉同埋招牌菜磚頭焗豬扒飯，意粉有d 似焗既感覺，非常入味，牛脷煮到有小小老但還好，整體都ok，焗飯就份量非常大，一個人應該食唔哂，豬扒有好多塊食極都有，對得住個價錢。