Video
Read full review
2023-06-02
38 views
有無人估到呢個新吞拿凱撒沙律餐，配菠蘿特飲，加一個美祿麥旋風，減咗$3會員下午茶優惠要幾錢？今日天氣非常熱，我竄咗入嚟老麥涼冷氣及上網，坐坐下當然loop下老麥個apps，睇吓有咩優惠啦！見到有個下午茶減$3優惠，即管入去睇吓有咩揀，畀我見到有個新吞拿凱撒沙律餐，反正未試過，而且係沙律，一定唔會飽肚啦！隨後見到有菠蘿特飲，又未試過，試埋先。見加配一欄，有個美祿麥旋風，正價要$16，加配要$11，試埋佢先，手機落單，專人送餐，我就一邊玩手機，一邊歎冷氣，一邊等食。店員捧住個餐，起間餐廳一路行，就一路嗌幾多幾多號，我就好奇怪，餐廳嘅檯號係固定嘅，點解仲要嗌呢？又唔見茶記啲伙記要咁嗌？呢方面絕對唔專業，要改善，食完個餐，我睇返老麥個apps，想將呢個意見畀返佢哋，點知原來個apps係無呢個功能嘅，咁就真係失敗啦！一個咁重要改善服務質素，與客人互動嘅功能都居然無，想進步、想改善就少咗一個重要渠道了。講返食物先，個麥旋風太甜，不過都唔意外，因為佢哋嘅軟雪糕都係超級甜，麥旋風點可能唔甜？菠蘿特飲，一片一環形菠蘿，應該係用菠蘿蝦堡嘅同一樣嘅菠蘿，味道唔夠甜，個人覺得用碎菠蘿會好啲，但以出餐效率計，邊
今日天氣非常熱，我竄咗入嚟老麥涼冷氣及上網，坐坐下當然loop下老麥個apps，睇吓有咩優惠啦！見到有個下午茶減$3優惠，即管入去睇吓有咩揀，畀我見到有個新吞拿凱撒沙律餐，反正未試過，而且係沙律，一定唔會飽肚啦！隨後見到有菠蘿特飲，又未試過，試埋先。見加配一欄，有個美祿麥旋風，正價要$16，加配要$11，試埋佢先，手機落單，專人送餐，我就一邊玩手機，一邊歎冷氣，一邊等食。
店員捧住個餐，起間餐廳一路行，就一路嗌幾多幾多號，我就好奇怪，餐廳嘅檯號係固定嘅，點解仲要嗌呢？又唔見茶記啲伙記要咁嗌？呢方面絕對唔專業，要改善，食完個餐，我睇返老麥個apps，想將呢個意見畀返佢哋，點知原來個apps係無呢個功能嘅，咁就真係失敗啦！一個咁重要改善服務質素，與客人互動嘅功能都居然無，想進步、想改善就少咗一個重要渠道了。
講返食物先，個麥旋風太甜，不過都唔意外，因為佢哋嘅軟雪糕都係超級甜，麥旋風點可能唔甜？
菠蘿特飲，一片一環形菠蘿，應該係用菠蘿蝦堡嘅同一樣嘅菠蘿，味道唔夠甜，個人覺得用碎菠蘿會好啲，但以出餐效率計，邊會用你分開兩款菠蘿呀？理解嘅。
粟米杯，雖然老麥話已經調好味，但個人覺得偏淡，唔多夠味，而且嚡口唔得滑，都係要加返啲牛油先至好味，但我懶得問店員攞，就當係畀自己食得健康少少啦！
新吞拿凱撒沙律，佢有三款醬，分別係黑醋、日式麻醬同凱撒沙律醬，既然我係第一次試，梗係要凱撒沙律醬，感覺上保險啲嘛。呢個醬原來係丘比牌，味道絕對有保障啦！至於新吞拿，擺明係素肉，味道方面，除非係素食主義者啫，否則都係食罐頭吞拿魚好啲。另一方面，如果係素食者，認真要留意，由於個沙律入面有芝士碎，如果係食純素，而非奶素人士，在點餐時記得要剔走芝士。啲蔬菜都好新鮮，唔錯！👍👍👍話時話，原來呢個沙律都幾飽肚，由我用餐時間到依家寫食評時間，都距離有至少兩個鐘，但依家仲飽緊，真係唔好睇少佢。
最後，謎底揭盅，呢個餐要$65，減咗$3優惠後，要$62，唔知有無人估中呢個價錢？
所以食老麥，一啲都唔平，再唔係窮人恩物啦！
1 views
0 likes
0 comments
Post
