麥當勞

Open Now

Now Closed

假日因為要去和同學一齊做 project，所以同平日返學一樣咁早起身，未傾功課先食早餐， 老麥人頭湧湧，不論是工人姐姐又好，一家大細又好，總之好多人，呢啲就係叫做揾食艱難魚柳餐，奶茶我一向都係食呢個餐，因為我超鍾意食魚柳包(走沙律醬)，呢個魚柳包係脹卜卜嘅，熱度足夠，魚柳都夠熱，個包都夠鬆軟，應該算係非常之唔錯。呢個薯餅好新鮮好熱辣辣，但係都唔算係好多油。受阿爸阿媽影響，我係好鍾意飲熱奶茶嘅，我覺得呢杯奶茶 雖然係淡口啲，但係都算唔錯，既然係食得老麥就應該明白老麥嘅品質，咁多要求做乜，做人最緊要知足常樂。