Grubers (Closed)

十二月十日，經過琴晚美味既一餐後，今日就同老婆去睇戲。睇成龍既英倫對決，睇之前緊係耍行下街街先啦，話說都好耐冇同老婆黎過九龍灣德福了，應該都有兩個月？ 行完街街，就諗同老婆豬去邊到食飯飯了。記得之前係網上睇過一唁新既漢堡包店，係ＭＣＬ入邊。網上講到間野幾好食幾好食，Ｄ牛肉幾多準，幾新鮮點點點。一食……真係哂錢，完全中哂伏！！ 首先Ｄ，貴不在話下，如果好味既話，貴少少係ＯＫ既，無問題既，但又貴又難食果下真係扣分扣到盡！　個包，雖然話係有得自己配搭又加料又盛，又過耍奇料即係要加錢，其他只係好普通既兩片菜，兩片芝士，再加多塊肉。舊肉仲要唔係好味，完全係同老麥既相差無幾。價錢就差幾倍。 Ｄ薯條仲大獲，一ＰＥＡ野咁，又炸得唔脆，冇茄汁，加芝士都係要加錢，仲要加成十蚊咁多，完全搵笨！！　Ｄ薯條仲林過謝停鋒整既雞蛋仔，唔知既話仲以為係薯蓉…… 嬲到咋咋林食完，之後帶老婆去食ＫＦＣ補數，網上Ｄ收錢打手害人不淺……