馬來屋星馬泰美食 (Closed)

8月4日揾食肥華生日前夕，首次與靚媽到此店一試佢哋嘅星馬泰食品，試泰菜一定要叫冬蔭公及泰式酸辣鳳爪，呢兩款泰式餐廳都會有嘅國菜，一間標榜食泰國菜食店若連呢兩款，泰國尋常百姓家都做得好嘅菜式都做得唔掂，呢間泰國菜館都可以講，係好極有限公司，而今晚肥華和靚媽在此店食到嘅，呢兩款泰式菜館考牌菜卻有極高水準，個冬蔭公有B+級評分而酸辣鳳爪更有A級評語，鷄肉串及小蕃薯兩款食品亦相當美味有B+水準，反之個海南鷄飯除咗碗冬瓜湯叫做好飲，雞勉強食得吓，海南鷄飯嘅精華嗰個飯，可以講係拙劣，飯完全無油飯嘅香和味，加上米嘅質素甚差呢碗飯是肥華有史以來食過最差嘅海南鷄飯嗰款油飯，評分E-都俾多咗佢，而個燒豬肋骨則相當肥膩，食到成口油計埋個味道衹值C級分数，可幸此店環境及員待客態度有B+水準加上價錢大衆化若肥華日後想食泰式鳳爪及飲冬蔭公此店都係在選擇之列