Nomad (Closed)

網上見到呢間餐廳，裝修好似幾靚，食物望落都好似幾吸引，諗住去幫襯一下，去到嘅時候店員話樓上因為冷氣壞咗，座位唔開放，亦都冇任何手工啤酒供應，樓下係高枱高櫈，張櫈極度唔舒服，點咗呢個日式咖喱豬扒飯，選擇咗辛口咖喱，上枱嘅時候充滿期待，點知一咬入口嘅時候，真係爭啲咬唔開，肉質極度堅硬，而且肉味偏鹹，質感亦都怪怪的，花咗好多時間先至將成份豬扒食完，咖喱味道亦都好一般，食完個口攰到呢…已經冇心情再食份蓮藕漬物，因為落差好大所以好失望。