小肥羊 (Closed)

9月26日，趁同老外同事"呼吸墮連男"去米國工幹前，拿拿泣食番餐好野先出發，因為去到米國好難揾到好食嘅中國菜。當日係公眾假期，所以無任食火煱只有自選火煱配料，湯底只有辣同唔辣兩款選擇，為免喉嚨痛，我地點咗唔辣，不過係藥材湯底，家姐一聽見藥材湯底呢四隻字就驚驚，因為佢好容易喉嚨痛同生痱滋，點知第二日收到佢封email，subject竟然係而不燥，即是佢無爆痱滋，正！我地點到一枱都係食物，最正當然係羊肉同牛肉，熟食方面，串燒羊肉串真係頂瓜瓜。