Video
Read full review
2010-03-29
31 views
周六晚想吃pizza，簡簡單單梗係去pizza hut啦﹗穩穩陣陣嘛﹗點知入到去先知乃野，因為見到呢個餐﹗北寄貝蟹棒芝麻芝心批餐﹗HSBC信用咭有半價，四百幾減到二百幾，人就係貪小便宜﹗見佢咁抵無理由唔試啦﹗先來海皇湯兩客﹗同食家一人喝了一口，對望............點解個湯係凍既？微溫得很，好明顯佢係一客客倒起哂，再叮番熱出街﹗有冇搞錯俾個微溫湯人地飲，0的湯仲要結遢遢成堆嘔吐物咁，一開頭就搞0的咁野當堂已經打左個突，飲左一口就無要到﹗及後是雞肉闊條麵。這個我看是最正常的，起碼夠熱，醬汁亦算香濃，雖然份量不多，也叫做唯一清哂的一碟﹗燒排骨配薯格。燒排骨乾巴巴的，無鹹無味，根本就成條都係骨，勉強只可以扯到兩飛肉絲，洗唔洗咁慳皮呀﹗主題變左食薯格﹗這個北寄貝蟹棒芝麻芝心批，真係九唔搭八到極點，好難明設計者既心思何在﹗蟹棒水汪汪的，一個批俾你四條咁大把，名貴啊﹗咬落去質感鬆散爛泥似的，你食埋我份，我食時撩走佢無咁嬲﹗上面的北寄貝更加令人發紫，唔熱唔凍，半生熟似的，入口又韌又無味，到底佢係想刺身上定係熟身真係老夫子話齋耐人尋味。無啦啦屎弗痕放幾片北寄貝上去，味道襯唔埋，幾樣野風馬牛不相及
點知入到去先知乃野，因為見到呢個餐﹗
北寄貝蟹棒芝麻芝心批餐﹗
HSBC信用咭有半價，四百幾減到二百幾，人就係貪小便宜﹗見佢咁抵無理由唔試啦﹗
先來海皇湯兩客﹗
同食家一人喝了一口，對望............
點解個湯係凍既？微溫得很，好明顯佢係一客客倒起哂，再叮番熱出街﹗
有冇搞錯俾個微溫湯人地飲，0的湯仲要結遢遢成堆嘔吐物咁，一開頭就搞0的咁野當堂已經打左個突，飲左一口就無要到﹗
及後是雞肉闊條麵。
這個我看是最正常的，起碼夠熱，醬汁亦算香濃，雖然份量不多，也叫做唯一清哂的一碟﹗
燒排骨配薯格。
燒排骨乾巴巴的，無鹹無味，根本就成條都係骨，勉強只可以扯到兩飛肉絲，洗唔洗咁慳皮呀﹗
主題變左食薯格﹗
這個北寄貝蟹棒芝麻芝心批，真係九唔搭八到極點，好難明設計者既心思何在﹗
蟹棒水汪汪的，一個批俾你四條咁大把，名貴啊﹗
咬落去質感鬆散爛泥似的，你食埋我份，我食時撩走佢無咁嬲﹗
上面的北寄貝更加令人發紫，唔熱唔凍，半生熟似的，入口又韌又無味，到底佢係想刺身上定係熟身真係老夫子話齋耐人尋味。
無啦啦屎弗痕放幾片北寄貝上去，味道襯唔埋，幾樣野風馬牛不相及，痴線組合。
個批邊全部都係芝麻，質感就似上海鋪食厚身既蔥油餅，芝麻已經夠漏中間仲要係芝心批邊，膩上加膩但兩者味道互為霸道，出來效果我真係唔覺會有人鍾意食。
呢個批真係大失敗之作，仲要講多句就係0的料只係集0係正中間兩吋內，批邊至正中三吋都係芝麻及芝士， 「足料程度」真係可知一二，基本上你拉出來吃兩口已食哂0的料，個批邊就睇你會唔會繼續慢慢品嚐喇，我就覺得棄之不可惜。
雞肉沙律我真係怕左你，上面0個一羹沙律醬杰過許冠傑，0的菜又凌凌亂亂頭頭尾尾似的，再加上那一兩片貌似雞肋既雞肉，見到都唔開胃，唉.....................﹗
埋單二百幾蚊，老實說呢個咁既餐真係俾佢零分，食家仲話以後都唔再堂食pizza hut，激到把鬼火，無下次﹗
更多相:
http://hk.myblog.yahoo.com/smallsmalllin/article?mid=19883
Post
