老夫子餐館 (Closed)

唔知你係邊個年代架呢？你哋細個有無睇過老夫子呢？我A姐覺得老夫子真係好樣衰，大蕃薯又肥又矮，啲故事又唔算好好笑，但依家見到佢哋卻又回憶起好多細個嘅回憶，咩「自討苦吃」、「各有千秋」、「甘拜下風」、「世事難料」、「未雨稠繆」等等，原來以前真係好簡單。今日就去到元朗形點二期嘅老夫子餐館，同M佬一齊「耐人尋味」。鮮茄焗豬扒飯港式嘅經典又點少得鮮茄焗豬扒飯呢？飯底炒得乾身，豬扒份量足，仲有唔少番茄，比起一哥嘅當然夠晒份量。夢幻堡壘呢個堡壘由一口西多砌成，即叫即炸，夠晒香脆，配襯雪糕嘅冰火口感，好刺激呀。老夫子玩意、秦先生玩意賣相好吸引，成大個綿花糖，我初初仲以為係老夫子同秦先生個頭型，可惜唔係，哈哈！老夫子玩意係少見嘅忌廉溝鮮奶；而奏先生玩意就係菠蘿涼份芬達。影相真係好靚呀。