漢興茶檔

Open Now

Now Closed

今日又上新嘢，不過同事講定要有心理準備，要排隊等位，兼食物要得好耐！因為即叫即做，攪笑係要好似以前茶樓搵位咁企响張枱旁邊，好彩去到有人剛走剛走，居然5分鐘有位，而另一攪笑，係未有位就可以叫定食物！地方殘舊，牆身剝落，我坐嘅位置仲要地面不平，不過大家都唔介意，我坐低之後，出面已經出現人龍，落單阿姐好急好燥，落單好亂，不過又唔係無禮貌，只係急啲啫，佢都會提我們叫咸牛蛋餅要等30分鐘！最後落好單，食物唔按次序出場！熱檸茶：玻璃有耳杯比較少見，夠熱，茶底夠濃唔澀！出前一丁：平常出街食嘅丁麵，好多都唔啱心水，呢間係少有合晒我心意，麵唔會好淋，少彈牙，湯底夠濃，正！等多10分鐘，主角終於出場，咸牛蛋餅：而家少咗茶餐廳用咸牛做早餐！賣相好特別，像一個蛋糕，蛋餅裡面好多咸牛肉，味道咸香，好鬆，夠熱，好味！店內好似打仗，店員上菜好像街市叫賣咁！不過客人都好好，一食好就走（都唔坐得耐），一個麵都唔貴，但加一個餸（雞翼式豬扒）已經好貴，因為無套餐！全部散叫！