Video
Read full review
2020-01-25
4150 views
早前晌中環一家居酒屋，就試過一款好抵嘅「廚師發辦」（Omakase），包括先付、刺第六點、壽司六貫、季節湯品及甜品，定價六百多一位。如果有試過「廚師發辦」嘅人都知，有番咁上下質素嘅，千零蚊落樓喺常事，就算非旺區嘅，$800、$900位都好正常。但晌尖沙咀厚福街嘅「翔壽司」，就可以平平哋體驗一下「廚師發辦」嘅趣味，就喺有食友早前去試過，大讚性價比高，試一試，睇睇佢有無機會成為一家耳熟能詳嘅壽司店。有食友曾到訪過，亦大讚其刺身夠新鮮，並話呢度之前喺立食，依家就改為有櫈坐。而室內環境唔大，L型壽司吧枱，可以直接跟師傅交流，大概10個位左右，一眼睇晒，掛有少少和風嘅吊飾。雖然無影出嚟，但枱下有掛勾，可以掛住啲背包或手提包。唯可惜前面喺擺魚生嘅凍櫃，未能直接欣賞到師傅捏壽司嘅手勢。上文都講過一心嚟試「廚師發辦」啦，果然真喺堅抵，共有兩款「廚師發辦」俾客人選擇，分別喺刺身4點、壽司7點、手卷、麵豉湯，只喺$450位；另一款喺壽司10點、手卷、麵豉湯，只喺$380位。無論刺身、抑或壽司，款式都喺少接觸嘅，想一試「廚師發辦」，「翔壽司」喺抵玩嘅入門。$380 / $450對唔少人都可能覺得有點貴，但依
有食友曾到訪過，亦大讚其刺身夠新鮮，並話呢度之前喺立食，依家就改為有櫈坐。而室內環境唔大，L型壽司吧枱，可以直接跟師傅交流，大概10個位左右，一眼睇晒，掛有少少和風嘅吊飾。雖然無影出嚟，但枱下有掛勾，可以掛住啲背包或手提包。唯可惜前面喺擺魚生嘅凍櫃，未能直接欣賞到師傅捏壽司嘅手勢。
上文都講過一心嚟試「廚師發辦」啦，果然真喺堅抵，共有兩款「廚師發辦」俾客人選擇，分別喺刺身4點、壽司7點、手卷、麵豉湯，只喺$450位；另一款喺壽司10點、手卷、麵豉湯，只喺$380位。無論刺身、抑或壽司，款式都喺少接觸嘅，想一試「廚師發辦」，「翔壽司」喺抵玩嘅入門。
$380 / $450對唔少人都可能覺得有點貴，但依家餐廳推出「冬季大割引」，只要按讚及跟蹤店家嘅FB或 IG，就有全單八折嘅優惠，喺咪好正先！
刺身4點打頭陣嘅先嚟刺身3點，包生銀鱈魚、鹿兒島鰤魚、北海道牡丹蝦，擺盤非常之靚，而山葵都喺用上日本嘅新鮮山葵即磨而成，絕無欺場。而之後，師傅就親自遞上第4點：大吞拿魚腩。
生銀鱈魚因為老婆幾鍾意食銀鱈魚，所以，過往食銀鱈魚都食過唔少，不過，「生」嘅都喺第一次食，雖然話「生」，但就有少少火炙過嘅。外皮有點點脆口，而魚肉則有點點似食燒銀鱈魚咁，依然保持嗰份嫩滑及油潤。
生銀鱈魚
15 views
0 likes
0 comments
睇見其粉嫩嘅淡紅色，唔介紹初時仲以為喺啲中拖羅嚟。鰤魚貴為日料嘅頂級食材，不過，一直未接觸過，皆因好講時令，而「翔壽司」嘅「廚師發辦」就以時令魚為亮點。估唔到啲鰤魚口感都幾鮮滑細膩，油脂亦幾豐腴。
鹿兒島鰤魚
21 views
0 likes
0 comments
寫到明牡丹蝦嚟自北海道，就喺想話俾客人知，唔怕你貨比貨，最怕你唔識貨。牡丹蝦嘅外觀晶瑩亮麗，喺新鮮度嘅指標。沾少少醬油，鮮甜度更突出，而肉質黏黏哋卻又帶有爽身嘅口感，無疑又喺靚貨嚟。
北海道牡丹蝦
10 views
0 likes
0 comments
點解唔同其他3款刺身一齊上碟，因為食法有別，師傅一早以極脆口嘅紫菜包住一大件大吞拿魚腩，再遞到小弟面前。件大吞拿魚腩嘅油花極重，分佈平均。老實講，件大吞拿魚腩真喺幾有入口即溶嘅感覺，而且，油脂好油潤。
大吞拿魚腩伴紫菜
23 views
1 likes
0 comments
接落嚟，就會開始品嚐壽司，7款壽司逐點登場。鰻魚BB（穴子苗）以前都曾試過，不過，主要喺刺身多。啲鰻魚BB好雪白，幼細而透光，其實無乜味，故加咗少少甘筍蓉同蔥絲嚟提味，入口亦好滑溜，帶點清爽感。
活北寄貝壽司活嘅北寄貝都唔喺第一次食，跟熟嘅喺好唔同，入口喺煙煙韌韌，卻又有種爽口嘅口感，做成壽司，亦都好好食。提到呢度搓嘅壽司，飯粒黏糯有米香，而且，鬆緊度啱啱好，唔會「實崩崩」，但又唔會一夾就散。
活北寄貝壽司
18 views
0 likes
0 comments
海膽呢種食材唔使多介紹，而嚟自北海道嘅貨色，質素就更加唔使點懷疑。海膽晌壽司飯之上堆到滿滿，絕不欺場，入口甘香豐腴，質感綿密細膩，紫菜亦十分之脆口，要趁快食，否則紫菜變腍就大打折扣。
北海道海膽軍艦
18 views
0 likes
0 comments
睇外觀，刺身顯出一線銀光，感覺好靚。師傅話針魚本身屬於淡味嘅魚類，所以，特別伴上薑蓉、蔥花嚟提味，故此，入口有份小清新嘅感覺，至於針魚嘅口感，則帶點柔韌，爽身，跟帶油脂嘅魚種真喺明顯幾有分別。
針魚壽司
15 views
0 likes
0 comments
「花魚」真喺好陌生，第一次聽，第一次食，上網查過吓佢嘅真身，但都唔確定到喺點。至於做成壽司，食落就感覺頗有油香，好嫩滑，味道幾唔錯。
剝皮魚壽司一聽剝皮魚小弟第一時間只諗起「打冷」時嘅大眼雞，咁實際當然唔喺嗰啲啦，色澤雪白，面頭放有少少魚肝蓉，可以話喺精華之一。入口，剝皮魚嘅魚肉又幾鮮味喎，而且，頗為彈牙添，喺予人感覺幾爽嘅魚種。
剝皮魚壽司
11 views
0 likes
0 comments
平常講吞拿魚鮫，都喺一大件就咁燒完奉客，印象就未試過做壽司，今次就以吞拿魚鮫起肉，再以火炙處理，睇見啲線紋，以及表面嘅油潤感，已好誘人。的確，件火炙吞拿魚鮫壽司好正，油潤芳香。
蔥吞拿魚腩手卷接近尾聲，怕你唔夠飽，就奉上大大件嘅手卷，雖然捲起咗睇唔到，但裡面着實塞滿好多吞拿魚腩，並伴以蔥花及白芝麻提味。一咬紫菜就應聲脆開，而吞拿魚腩刴成蓉，綿密鮮味，油香慢慢晌口腔內溢出四散。
麵豉湯食咗多件刺身及壽司，都喺時間飲碗熱湯嚟暖番吓個胃。不過，個麵豉湯就做得較平實，味道夠穩陣，麵豉嘅濃香度不俗，但就唔算有咩驚喜。
除咗「廚師發辦」，都有好多單點菜式嘅，如壽司、卷物、刺身、手卷、海鮮丼、小食、飲品、啤酒、清酒……等等。
此外，仲有啲壽司盛合啦、手卷盛啦、海膽杯……等等特色嘢，另外，兩種自選壽司組合（10 / 12件），亦喺非常人氣嘅選擇。
自選壽司10件 $158友人就揀咗自選壽司10件，因為一來夠自主，二來平啲吖嘛。從30款壽司或軍艦中，揀出心水嘅10款都唔喺易事，又要揀啲自己啱食，但又想揀到啲貴價嘅款式，最後，點咗八爪魚壽司、熟蝦壽司、火炙三文魚壽司、油甘魚壽司、深海池魚壽司、魴鮄壽司、帶子壽司、赤蝦壽司、火炙金線鯛壽司、牛油果沙律軍艦。睇見每件壽司都喺色澤光亮，已知道用料不賴，友人試完之後，亦讚賞用料夠新鮮，絕對無令人失望。
自選壽司10件
$158
20 views
1 likes
0 comments
Post
