巴辣仔烤魚雞煲 (順年閣)

Open Now

Now Closed

之前食過尖沙咀個間，其實俾我種感覺只係不過不失，唔會話差，不過亦唔係特別好食，所以無寫食評既感覺，價錢啱算好貴，不過話平亦唔可以用個“平”字黎形容，今次同朋友係深水埗買完野，朋友話想食辣野，係openrice搵到呢間巴辣仔，朋友就話想試下，點知居然食唔成就已經成肚火，當日6點左右去到，雖然我地得2個人，但係見到個場起碼有6成無人坐，明明仲有兩三張卡位，但係就夾梗要我坐中間擺隔板既格，禮貌咁問下可唔可以坐卡位，個男職員就好無禮貌咁一句爆埋黎：唔得喎！然後完全無講原因，其實如果有人book左枱或者卡位係4人以上，你只需要禮貌回應一句我地絕對理解同體諒，但係當時仲要俾我地見到其中一張卡位都係坐左2個人，雖然唔知係唔係一早訂左枱或者任何原因，但係條友又無講原因，淨粗聲粗氣咁講句「唔得喎！」感覺好似編編淨係唔俾我地坐咁，同埋淨係呢的態度已經唔值得人再幫襯，未開始食已經咁既態度，重點我地無唔禮貌，我地係禮貌咁問：可唔可以卡位呀？佢反而就咁既態度回應，我地係客人無需要受你氣，亦唔係無禮咁對你，客人禮貌問問題，你就咁既態度，邊個會仲想幫襯，一間餐廳最重要唔係淨係講出品好唔好食，做待應連最基本既禮貌都無