嘆甜品

Open Now

Now Closed

自從生左小朋友之後都未試過夜晚去食甜品啦。今次我地近近地去左位於聯和墟的「嘆甜品」食甜品。餐廳店鋪細細，以貓貓為主題，周圍都有貓貓裝飾。餐牌有多款甜品選擇，有西米露、香蕉船、雪花冰、經典糖水、窩夫、小食等等，款式多元化。開心果奶蓋窩夫配朱古力雪糕窩夫外脆內軟有蛋香，開心果奶蓋滑順而濃稠，帶有開心果的細膩質感，窩夫的微甜與開心果奶蓋的香濃，搭配雪糕的巧克力味道，形成了完美的味道平衡。杏仁茶西米露杏仁茶的味道香醇，帶有淡淡的堅果香，配上西米，口感更豐富香芒蜜語入面有滿滿的芒果肉和芒果雪糕，再配上牛奶布丁，芒果味道突出。開心果擂沙湯丸湯丸軟糯外皮，湯丸中間是芝麻餡，配上開心果碎，增加了口感層次感。另外我地亦點了小食炸粗薯條｜花枝丸鹽酥雞拼盤｜玉米片雞塊即點即炸，炸得金黃香脆，最鍾意花枝丸鹽酥雞拼盤，鹽酥雞炸得有肉汁，雞肉嫩滑；花枝丸粒粒紮實飽滿，又彈牙又酥香。