茶啡檔

Open Now

Now Closed

今日難得入咗粉嶺聯和墟穩舊同事敘舊，佢介紹咗附近一間經濟實惠嘅餐廳食晚餐，呢間餐廳未到七點已經爆曬場咁滯，主要係做街坊生意而且中式西式都有非常適合一啲唔鍾意煮飯嘅朋友仔。我哋叫咗兩個套餐入邊包咗一個例湯可以選擇中湯或者羅宋湯同埋包左飲品今次我哋就叫咗個金菇肥牛煲同埋乾炒黑椒牛肉意粉。黑椒牛肉意粉意粉份量十足一個女仔都未必食得晒，而且牛肉入口軟嫩多汁，黑椒意粉炒得乾身，而且夠晒鑊氣必點之一。金菇肥牛煲上枱仲係熱辣辣而且份量十足，沙嗲味香濃恰到好處，底下仲有啲金菇同埋粉絲朔晒啲醬汁味非常滋味。