聖安娜餅屋

Open Now

Now Closed

德國式芝士切餅 $26德國式芝士切餅係瑪麗餅餅底鋪上忌廉芝士，忌廉芝士夠厚身滑溜，呢個價錢係合格。草莓戚風卷 $23草莓戚風卷賣相可以，粉紅色海綿蛋糕顏色夠少女心，不過無士多啤梨味。入面忌廉夠多，不過都係原味，忌廉混合一件新鮮士多啤梨就值得加分。面頭一件新鮮士多啤梨同一粒新鮮藍莓。芒果戚風卷 $23呢件芒果戚風卷就名副其實多d。因為忌廉有芒果味，而且好多芒果肉。面頭加兩片新鮮芒果同一粒藍莓。總括而言，呢三款蛋糕質素都可以既，戚風卷性價比就比德國式芝士切餅差少少。