Video
Read full review
2021-08-04
1407 views
「滾得囍宮廷火鍋小炒」可以稱得上係一間主題餐廳，全店裝修以至餐牌菜式設計均以宮廷為題，聖旨到💫。最近我終於搵到時間入宮🤣，大家記得喺網上訂定枱，因為有折㗎。店員們態度友善，並主動提供協助。🍽餐具會喺我哋面前用熱水高溫清潔，感覺注重衛生。環境方面，每枱之間都有間隔，私隱度高。湯底有成十五款選擇🍲，喺唔噒骨同唔食海鮮嘅情況下，剩返唔係好多嘢揀🙈，我哋要咗韋小寶特濃沙嗲湯鍋($198)。沙嗲湯看似冇乜料，平平無奇，但飲落發現味道超濃郁，勁正。茶記嗰啲沙嗲湯同佢無得比，可能因為呢鍋落咗🐔雞湯，所以好入味。沙嗲湯帶點點微辣，而整體亦唔會太過杰撻撻。手切頂級安格斯牛肉($288/細)，牛肉擺盤好有霸氣，啲乾冰先聲奪人，打卡一流😎。呢度有幾款牛肉揀，安格斯呢款算係較平，🐮不過牛肉味都好重，脂肪紋理分佈平均，但略嫌細塊咗啲，一次過食兩塊先夠喉。滾得囍宮廷手打丸拼盤($138)，🍢一客有五款，每款兩粒，款式包括墨汁墨魚丸、芝心牛肉丸、菠菜豬肉丸、珍珠帶子墨魚丸以及黑松露野菌鮮蝦丸，當中有幾款味道比較相似，但同樣食得出係真材實料，例如爽口墨魚同蝦肉🦐。滾得囍蔬菜拼盤($78)，佢應該叫蔬菜籃先至啱🥦，大大
「滾得囍宮廷火鍋小炒」可以稱得上係一間主題餐廳，全店裝修以至餐牌菜式設計均以宮廷為題，聖旨到💫。最近我終於搵到時間入宮🤣，大家記得喺網上訂定枱，因為有折㗎。
店員們態度友善，並主動提供協助。🍽餐具會喺我哋面前用熱水高溫清潔，感覺注重衛生。環境方面，每枱之間都有間隔，私隱度高。
韋小寶特濃沙嗲湯鍋
$198
192 views
0 likes
0 comments
手切頂級安格斯牛肉
$288
53 views
0 likes
0 comments
手切頂級安格斯牛肉($288/細)，牛肉擺盤好有霸氣，啲乾冰先聲奪人，打卡一流😎。呢度有幾款牛肉揀，安格斯呢款算係較平，🐮不過牛肉味都好重，脂肪紋理分佈平均，但略嫌細塊咗啲，一次過食兩塊先夠喉。
滾得囍宮廷手打丸拼盤($138)，🍢一客有五款，每款兩粒，款式包括墨汁墨魚丸、芝心牛肉丸、菠菜豬肉丸、珍珠帶子墨魚丸以及黑松露野菌鮮蝦丸，當中有幾款味道比較相似，但同樣食得出係真材實料，例如爽口墨魚同蝦肉🦐。
滾得囍蔬菜拼盤($78)，佢應該叫蔬菜籃先至啱🥦，大大個籃放滿生菜、娃娃菜、油麥菜、菜心等。如果佢可以放埋粟米同菇菇就更佳，唔使多，少少就夠。
正宗日本稻庭烏冬($38)，我認為烏冬係繼牛肉以外必備嘅火鍋配料🍜，配合埋呢個咁出色嘅湯底，呢碗「沙嗲牛肉麵」簡直係冇得輸😋，滋味無窮。
足料竹蔗茅根
$68
72 views
0 likes
0 comments
店員最後仲為我哋送上甜品仔：迷你奶凍🥛，佢好鬼的骰，重點係心意！奶凍口感細滑，牛奶味好香，為呢餐作結。
留意返👀，宮廷醬介每人$28，有啲貴。
總括嚟講，食物質素果然同價錢成正比，味道方面我好滿意，好彩訂咗枱中午食，有68折爭好遠呢😍。最後，我要再講多一次，佢個沙嗲湯底真係令人舔舔脷，值得一試。
Post
