Video
Read full review
2015-12-31
846 views
老公向來無咩心思, 今年聖誔禮物諗到唔諗, 帶咗我去apm, 求其叫我係商場買樣嘢, 當然買之前要俾佢過目, 個心即刻灰咗, 雖然結咗婚幾年, 但感覺好似變咗老父老妻, 好無誠意, 加上佢今年要去台灣工幹, 陪唔同我過, 今日順手出埋去食飯，當係提前慶祝。買完嘢之後, 以為佢想帶我上樓上food court 食飯, 點知佢帶咗我去apm 隔離坐大廈, 話book 咗枱同我撐枱腳。入到餐廳, 我開始有番笑容, 而且有d 喜出望外, 因為餐廳好有情調, 窗邊掛咗一排排藍色既聖誔燈, 枱上亦都有放咗蠋蠟, 加上我哋930先去食, 人客已經唔多, 感覺就好似包咗場咁。老公知我鐘意食生蠔, 就點咗蘇格籣金貝蠔嚟食, 呢款蠔雖然唔算好大隻, 但口感爽脆又腍滑, 肉質清爽鮮甜, 蠔汁極多, 入口時會有濃濃既海水鹽味, 之後慢慢就有甜味滲出, 而且蠔味都幾重, 感覺好新鮮。食完冷盤, 就想食d暖身菜, 所以我哋就點個熱湯嚟飲, 牛肝菌忌廉湯就最適合不過, 呢款忌廉湯真係好好味, 首先個湯夠杰身, 一d都唔浠, 而且口感綿滑, 牛肝菌味香濃, 就好似用咗好多牛肝菌磨出嚟咁, 令菌味更加突出, 同埋濃郁,
買完嘢之後, 以為佢想帶我上樓上food court 食飯, 點知佢帶咗我去apm 隔離坐大廈, 話book 咗枱同我撐枱腳。
入到餐廳, 我開始有番笑容, 而且有d 喜出望外, 因為餐廳好有情調, 窗邊掛咗一排排藍色既聖誔燈, 枱上亦都有放咗蠋蠟, 加上我哋930先去食, 人客已經唔多, 感覺就好似包咗場咁。
老公知我鐘意食生蠔, 就點咗蘇格籣金貝蠔嚟食, 呢款蠔雖然唔算好大隻, 但口感爽脆又腍滑, 肉質清爽鮮甜, 蠔汁極多, 入口時會有濃濃既海水鹽味, 之後慢慢就有甜味滲出, 而且蠔味都幾重, 感覺好新鮮。
食完冷盤, 就想食d暖身菜, 所以我哋就點個熱湯嚟飲, 牛肝菌忌廉湯就最適合不過, 呢款忌廉湯真係好好味, 首先個湯夠杰身, 一d都唔浠, 而且口感綿滑, 牛肝菌味香濃, 就好似用咗好多牛肝菌磨出嚟咁, 令菌味更加突出, 同埋濃郁, 一邊飲住湯, 一邊食餐包, 令我覺得好滿足。
緊接就係口味較情爽既, 賣相唔錯, 蕃茄同軟水牛芝士以梅花間竹既方法排係碟上, 旁邊加咗少量法律菜, 再係上面淋上羅勒汁, 整個配搭都非常新鮮, 而味道酸甜清爽, 令人越食越開胃, 如果加埋無花果既話, 應該勁力好味。
老公鐘意食青口, 所以點咗個, 用鐵鑊仔裝住一隻隻肥美既青口, 令青口能夠長期保持溫熱, 藍青口雖然外形纖細, 但肉質香嫩柔滑, 無渣, 好juicy,食落除咗有蒜香味, 仲有少少海洋味, 感覺好清新, 好好味呀。
主菜點咗兩個意粉, 香蒜欖油帶子扁意粉 , 個意粉都幾足料, 入面放咗好多大大隻既帶子, 送上嚟就聞到香噴噴既蒜蓉香味, 意粉煮得軟硬適中, 好有質感, 食落口感覺都幾濕潤, 而且仲有少少鹹香味, 而帶子非常厚身, 肉質鮮嫰彈牙, 幾好味。
老公食既係扒皇帝蝦意大利飯, 大大隻既扒皇帝蝦打橫瞓係飯面, 好有霸氣, 老公覺得個飯有少少硬, 但我覺得咁先夠正宗, 因為意大利人中意食好似生米既飯, 認為咁先夠咬口, 而隻扒皇帝蝦真係無得輸, 啖啖肉, 味道鮮甜爽彈, 仲有少少燒烤既香味, 掂呀~
最後就係飲品, 我同老公都係飲蘋果汁, 其實都無咩特別, 但我覺得味道有少少偏酸, 不過, 食到咁飽, 飲蘋果汁幫助消化都唔錯。
總括嚟講, 呢間餐廳俾我既感覺唔錯, 佈置都幾有心思, 而且待應態度相當好, 好有禮貎, 食物又有質素, 特別係海鮮, 生蠔、青口、扒皇帝蝦都好好味, 下次我會同老公再嚟。特別鳴謝老公為我安排呢餐飯。
Post
